الحر ملهوش مش هينفع معاه غير المصيف .. خد ولادك وروح البحر والبنك هيدفع

 
نفسك تشتري شقة أو شاليه على البحر أو مش قادر تروح تصيف السنة دي بسبب الظروف الصعبة والغلاء وفي نفس الوقت صعبان عليك ولادك من الحر الشديد متشيلش هم البنوك حلت لك الأزمة دي ودلوقتي تقدر تروح تصيف براحتك وبالتقسيط المريح.. في التقرير ده هتلاقي تفاصيل كتير
 
بنوك كتير بتقدم قروض محدش يعرف عنها حاجة لكن الحقيقة تقدر تقول إن البنوك بتغطي في برامجها التمويلية اغلب احتياجات المواطنين والعملاء ومنها قرض المصيف 2024 والرحلات السياحية لتمكين العملاء من الترفيه والسياحة وفي الفيديو ده هنقولك تفاصيل قرض  المصيف من بنك أبوظبي الاول وقرض الرحلات السياحية من بنك مصر.

الاول معانا بنك أبوظبي الاول واللي أعلن عن قرض بيت المصيف بـ الجونة أو العين السخنة أو الساحل الشمالي لو حابب تشتري وحدة مصيفية من بابها وتصيف فيها كل سنة زي ما انت عاوز... وبخصوص التفاصيل فالقرض بيوصل إلى 7،500,000 جنيه مصري وبيوصل  إلى 70% من قيمة وعلى فترات سداد مريحة تصل إلى 10 سنين.

أما قرض الرحلات السياحية بنك مصر فبيكون  للمصريين من خلال برامج التمويل وبتشترط تعهد الموظفين بتحويل الراتب / القسط الشهري من جهة العمل، واثبات الدخل بالنسبة لأصحاب المهن الحرة وأصحاب الأنشطة التجارية والصناعية، أما أصحاب / مستحقي المعاشات فيشترط تعهد تحويل المعاش أو بدون.

وبخصوص شروط قرض الرحلات السياحية بنك مصر فحدد البنك عدد من الشروط لحصول المتقدم على القرض وهي  ألا يكون عمر المقترض أقل من 21 سنة والحد الأقصى لقيمة القرض تصل إلى 100 ألف جنيه (بشروط محدده)، وبتوصل نسبة التمويل إلى 100%، بمدة تمويل تصل إلى 120 شهر.

وبالنسبة إلى الأوراق المطلوبة قرض الرحلات بنك مصر فهي
صورة البطاقة الشخصية وايصال  غاز- كهرباء- مياه- تليفون  و عرض معتمد من الشركة.
ولو انت موظف فهتجيب شهادة مفردات الراتب الشهري وتعهد جهة العمل بتحويل الراتب / القسط الشهري (في حالة تعهد جهة العمل).. وبالنسبة لأصحاب المهن الحرة والأنشطة التجارية والصناعية فالمطلوب هو صورة البطاقة الضريبية وصورة ترخيص / تصريح مزاولة المهنة (للمهن الحرة) وصورة مستخرج رسمي حديث من السجل التجاري وكمان كشف حساب بنكي لمدة 6 أشهر

وأخيرا .بالنسبة لأصحاب ومستحقي المعاشات فكل المطلوب منهم بيان بقيمة المعاش وبيان بالمستفيدين من المعاش (في حالة مستحقي المعاشات) وكمان تعهد بتحويل المعاش الشهري (في حالة تعهد جهة صرف المعاش بالتحويل) وبكده هتصرف القرض بتاعك وتروح تصيف وتستمتع على البحر.