إزاي الساحل الشمالي جذب 185 مليار دولار في شهرين.. حكاية كنز كنوز مصر
![الساحل الشمالي]( /UploadCache/libfiles/5/6/600x338o/425.jpg)
ياترى ازاي الساحل الشمالي المصري تحول لساحل من دهب وماس وفضة وبقت حبة الرمل فيه بتمن وبالاخضر كمان وإزاي قدر يجذب استثمارات مجموعها النهائي 185 مليار دولار وجت منين تعالوا نشوف التفاصيل في الفيديو ده .
من سنين طويلة كان معروف إن الساحل الشمالي هو ساحل الموت ومهجور ومزروع ألغام ومخلفات حرب عالمية مصر خدت سنين عشان تطهرها لكن محدش فكر يستغل الإمكانيات اللي في الساحل بجوه العليل ومياهه الفيروزية وشواطئه اللي مفيش منها اتنين في العالم لغاية ما جاء الرئيس السيسي واكتشف أن مصر فيها كنز محدش واخد باله منه وهو. الساحل الشمالي وإنه ممكن يكون بوابة للاستثمار والمليارات لكن مين هيستثمر من غير بنية تحتية قوية وايه فايدة الساحل من غير طرق حديثة ووسائل نقل متطورة ومطارات عالمية وصرف صحي ومياه نظيفة ولو فاكرين الساحل الشمالي كله مكنش فيه غير خط مياه واحد ومتهالك بيوصل لغاية مطروح وكان بيتعرض للنهب من أصحاب الأراضي المزروعة ومكانش ضغط الميه بيوصل المياه للسكان ودي كانت مشكلة شهيرة.
وكانت البداية الصحيحة لاي استثمارات هي إنشاء بنية أساسية قوية على طول الساحل الشمالي وبدأت بالطرق والكهرباء والمحاور لكن السيسي كان تفكيره ابعد من كده وفكر يعمل حاجة يلفت بيها انتباه العالم فكانت مدينة العلمين الجديدة بكل سحرها وكان تفكير السيسي إنه يقدم نموذج لمدينة كاملة ذكية وترفيهية وفندقية وسكنية البحر المتوسط يتحاكي بيها وتكون فخر المدن ونجحت الخطة والعالم كله شاف العلمين الجديدة واللي اتبنت في وقت قياسي وقبل ما تخلص بقت مش ملاحقة على السياح والمصريين وبقت كاملة العدد وقدرت المدينة تلفت انتباه المستثمرين في العالم كله ومن هنا جت صفقة رأس الحكمة واللي دفعت فيها الامارات 35 مليار دولار وهتوصل ل150 مليار دولار لما يخلص المشروع الدولة ليها نسبة 35 % من إيرادات المشروع يعني مكسب من كل حتة .
مع الزخم الشديد اللي صاحب صفقة رأس الحكمة وقبلها مدينة العلمين الجديدة قررت مجموعة طلعت مصطفى أحد أكبر المطورين العقاريين في العالم إنها تستثمر في الساحل بإيرادات متوقعة 35 مليار دولار ولما تجمعهم مع ال150 مليار دولار بتوع رأس الحكمة المجموع هيكون 185 مليار دولار ودول في مشروعين بس ولسه الصين هتعلن عن مشروع بمنطقة الساحل الشمالي هيكون أكبر من رأس الحكمة في استثماراته وهو زي ما قال السفير الصيني في مصر هيكون مشروع صناعي وسياحي وترفيهي وتجاري وبعدها هنسمع عن صفقات جديدة في الساحل الشمالي واللي اتحول لأهم مناطق الاستثمار في العالم بفضل الفكر المختلف في الملف ده وبعد ما السيسي قرر يترأس المجلس الأعلى للاستثمار في مصر ويذلل كل العقبات.
لو مش متخيل حجم المشروعات اللي هتحول الساحل الشمالي لكنز الكنوز لمصر فنحب نقولك إن أكبر شركات العالم في الترفيه والسياحة والفنادق داخلة في المشروع ده واللي هيكون المقصد الأول للبراندات العالمية وهيفتح ملايين من فرص العمل غير مليارات الدولارات اللي هيدخلها الساحل الشمالي كل سنة لخزينة الدولة من المشاركة في مشروع رأس الحكمة أو من المشاركة مع القطاع الخاص.