إيه حكاية مشروع طلعت مصطفى اللي قالب الدنيا في مصر؟.. هينقل الساحل نقلة تانية خالص

يا ترى ايه حكاية مشروع هشام طلعت مصطفى اللي قالب الدنيا فى مصر؟ وليه المشروع الجديد حقق مبيعات 60 مليار جنيه فى أقل من 24 ساعة ؟ ومين الشركات اللى هتتولى تنفيذ المشروع؟ وهل الحكومة ليها نسبة فى المبيعات ولا كلها لمجموعة طلعت مصطفى؟

فى الكام ساعة الأخيرة مفيش سيرة فى مصر الا عن مشروع مجموعة طلعت مصطفى الجديد فى الساحل الشمالى وكل الناس مستغربة ازاى مشروع وليد يحقق مبيعات أكتر من 70 مليار جنيه فى 12 ساعة بس.

بص يا سيدي مجموعة طلعت مصطفى باعتبارها عملاق من عمالقة التطوزير العقاري فى الشرق الأوسط الحكومة اختارتها لتنفيذ مشروع ضخم أطلق عليه اسم “ساوث ميد” في منطقة الساحل الشمالي بسبب سمعة الشركة الكبيرة وثقة الناس فى اسم طلعت مصطفى بعد المشروعات الكبيرة والمهمة اللى نفذتها الشركةت على مدار السنين اللى فاتت

وبيحتوي مشروع ساوث ميد يحتوي على مينا ضخم لليخوت وبيخلق روح التنافس بين الاستثمار المحلي ونظيره الأجنبي .. وزبيحتوى المشروع كمان على  مارينا دولية كبيرة للسفن السياحية في البحر المتوسط عشان مصر تصبح  واحدة من أهم الوجهات السياحية الواعدة والأكثر جذبًا للسياحة في البحر المتوسط.

وبيقع مشروع "ساوث ميد" على مساحة 23 مليون متر مربع وبيبعد عن مطار العلمين الدولي مسافة 15 دقيقة بالسيارة ليكون بمثابة وجهة عالمية في جنوب البحر المتوسط ومنافس لأجمل المدن السياحية الشاطئية في شمال المتوسط، بما يمثل إضافة كبيرة للسياحة المصرية.

وهيتم تطوير المشروع باستثمارات تقترب من تريليون جنيه وده رقم بيعادل حوالى21 مليار دولار هيتم ضخها من خلال مجموعة طلعت مصطفى عبر شراكات مع كبرى شركات الاستثمار العقاري فى مصر والوطن العربي.

وأعلنت مجموعة طلعت مصطفى عن فتح البيع في مشروعها الجديد ساوث ميد بالساحل الشمالي يوم النهاردة التلات وشهدت الساعات الأولى اقبال تاريخي وغير مسبوق للحجز فى المشروع ووفقا لبيان صادر عن مجموعة طلعت مصطفى المشروع حقق مبيعات بحوالى 60 مليار جنيه فى أول 12 ساعة لفتح باب الحجز

وأطلقت طلعت مصطفى حملة إعلانية ضخمة على منصاتها بالسوشيال ميديا وعلى كل الشاشات عن مشروعها الجديد "ثاوث ميد “ بفيديو للنجم العالمي سيلفستر ستالون

وبيقع ساوث ميد في موقع فريد على ساحل البحر المتوسط بمنطقة سيدي عبد الرحمن بالكيلو 165 طريق الإسكندرية – مطروح وبيقدم مفهوم جديد للسكن الساحلي في مشروع عالمي متكامل الخدمات  ويتمتع بكافة مقومات الوجهات السياحية العالمية من الشاطئ الرملي الساحر، المارينا العالمية، ملاعب الجولف، الفنادق العالمية، والكريستال لاجونز، بالإضافة إلى المطاعم فاخرة، مراكز التسوق والترفيه، الانشطة الرياضية، والعديد من الخدمات الأخرى

وبيستثمر المخطط العام للمشروع التضاريس الطبيعية المرتفعة تدريجيا من البحر تجاه الجنوب لتخطيط المناطق السكنية المختلفة بما يتيح لها اطلالات مميزة على شاطئ البحر بطول نحو ٥.٥ كيلو متر أو على البحيرات الممتدة وسط المساحات الخضراء بالاضافة كمان للوحدات اللي بتطل على مارينا اليخوت أو ملاعب الجولف العالمية، وكمان التخطيط المميز لوضع الخدمات المختلفة التي تجعل من المشروع وجهة مثالية للسكن والترفيه.

وبيضم ساوث ميد مجموعة متنوعة من الوحدات السكنية لتناسب مختلف الاحتياجات، سواء في الڤيلات الفاخرة المطلة على الشاطئ، أو الشقق المطلة على المارينا، أو الشاليهات المطلة على الجولف أو اللاجونز أو الوحدات الفندقية الفاخرة... وبتتمتع كل منطقة سكنية بشاطئ خاص وخدمات مميزة مصممة خصيصاً لتلبي احتياجات ساكني المنطقة.