نبوءة خطيرة عن الاستثمار المخيف في مصر.. شوف اللي هيحصل

ايه حكاية الاستثمارات المباشرة اللي جاية افريقيا.. وليه مصر هتبقي راس الحربة في ملف الاستثمار وليه العالم اكتشف ان الاستثمار في مصر أفضل من غيرها بكتير.. تعالو نشوف ايه اللي هيحصل تابعونا هتعرفوا التفاصيل في الفيديو ده.

لو فاكرين إن بداية أزمة الدولار في مصر بعد اندلاع الأزمة الروسية الاوكرانية هي هروب أكتر من 22 مليار دولار من مصر في وقت قليل جدا وده خلق الفجوة الدولارية وظهربعدها السوق السودا للعملة والمضاربة في اسعار العملة وبالتالي ارتفعت الاسعار لأرقام قياسية..
طيب ايه هي أنواع الاستثمارات العالمية وايه الخطر منها؟
شوف يافندم فيه أأكتر من نوع من الاستثمارات اهمها هي الاستثمارات المتوطنة واللي بتيجي بغرض تستثمر في الاسواق وتستمر فيها زي المستمثمر مثلا اللي بيبني مصنع أو شركة وده جاي على اساس يستقر في السوق ويضخ فلوسه في المشروعات ودي اسمه الاستثمار المباشر وفيه المستثمر بيضخ أموال بشكل مباشر في سوق معين لانشاء مشروعات وده أفضل أنواع الاستثمار لأنها بيضخ سيولة في البلد وفي نفس الوقت بيقوى الاقتصاد وبيوفر فرص عمل.
والنوع التاني من الاستثمار وهو الاستثمار غير المباشر وده بيكون من خلاله عملية الاستثمار في الشركة أو العقار من خلال شراء الأسهم أو شهادات الأسهم والسندات والأوراق المالية التانية من قبل الطرف المستثمر بحيث تتم  العملية الاستثمارية بطريقة غير مباشرة؛ والنوع ده من الاستثمار بيتم عن طريق المؤسسات المالية الوسيطة أو عن طريق مستشار قانوني مختص وعلى عكس الاستثمار المباشر، في الاستثمار غير المباشر المستثمر سواء كان من الأفراد أوالشركات المستثمرة مايقدرش يحصل على مشاركة أو سلطة أو نفوذ في قرارات إدارة النشاط التجاري داخل الشركة الأجنبية أو المحلية والتي تم الاستثمار فيها.

أما النوع الخطر من الاستثمار فهو  الاستثمار السريع او الساخن أو الطياري زي مابيقول المصريين وهو عبارة عن تدفقات مالية مش غرضها الاستثمار الحقيقي لكن بتيجي بغرض المضاربة، وهي فلوس بتدور دايما على الأسواق اللي قيمة عملتها بتنزل زي الجنيه المصري كده مقابل ارتفاع في نسبة الفوايد، وبالتالي فهي تستثمر في أدوات الدين الحكومية قصيرة أو متوسطة الأجل وخطورة الاموال الساخنة إنها بتهرب في أقرب أزمة زي ماحصل كده بعد فبراير 2022 في مصر وعشان كده هي سلاح ذو حدين وهي استثمارات تخوف لأنها بتهرب بسرعة وتسيب أزمة وراها في سوق الصرف لكن فايدتها إنها بتوفر سيولة دولارية في السوق بتساهم في استقرار الاسواق المالية.

طيب ايه الجديد في قصة الأموال الساخنة؟
شوف حضرتك فيه موقع اقتصادي متخصص وكبير جنوب افريقي اسمه بيزنس إنسايدر اتوقع إن مصر هتكون الوجهة الجاية والنقطة الساخنة اللي هتجذب الاستثمارات الأجنبية المباشرة في الفترة الجاية وفسر الموقع المعني بالشأن الاقتصادي السبب وراء هذا التوقع إلى تقرير منظمة الأمم المتحدة للتجارة والتنمية (أونكتاد) واللي أفاد بتصدر مصر قائمة أكبر 10 دول إفريقية كانت الأكتر جذبا للاستثمارات الأجنبية المباشرة في عام 2023 بتحقيقها إجمالي 9.841 مليار دولار. 
وحسب التقرير مصر كانت الأكتر جذبا للاستثمارات الأجنبية المباشرة في عام 2023، بإجمالي 9.841 مليار دولار.