عمالقة الأسمدة في مصر خارج الخدمة.. إيه اللي بيحصل؟

هو إيه بالظبط اللى بيحصل فى قطاع الأسمدة فى مصر؟وليه عمالقة القطاع أعلنوا توقف مصانعهم عن الانتاج؟ وليه رئيس الحكومة ما اتكلمش عن أزمة نقص الغاز للمصانع؟ وايه تأثير الأزمة دي على أسعار السماد وغيرها من منتجات المصانع اللى توقفت عن الانتاج؟

فيآخر 48 ساعة أعلنت 2 من عمالقة صناعة الأسمدة فى مصر توقف انتاج مصانعهم فى سابقة بتحصل لأول مرة فيواحد من أهم القطاعات الانتاجية فى مصر

وأعلنت شركة مصر لإنتاج الأسمدة "موبكو" وقف مصانعها التلاتة عشان تلحق بشركة أبوقير للأسمدة والصناعات الكيماوية، اللي عطلت مصانعها هي كمان بسبب نقص إمدادات الغاز.

ودي تانى شركة عملاقة للأسمدة بتتعطل في مصر والتالتة على مستوى القطاع في ظل تعطل "سيدي كرير" للكيماويات".

وأعلنت  شركة "موبكو" في إفصاح للبورصة المصرية إن استمرار الموجة الحارة بشكل يزيد على المعدلات الطبيعية المتوقعة للفترة دي من العام تسبب في زيادة معدلات استهلاك الطاقة بشكل غير مسبوق… وقالت ان ده بيحصل بالتزامن مع توقف بعض مصادر إمداد الغاز الإقليمي وهو ما أدى إلى تأثر مخزون شبكة الغاز بالسلب.

موبكوا قالت فى افصاحها انه حرصا من الشركة المشغلة لشبكة الغاز وحفاظا على عدم إلحاق أي أضرار بمصانع الشركة بسبب الظروف التشغيلية تم توقف إمداد الغاز الطبيعي عن مصانع الشركة لحين تحسن الظروف التشغيلية للشبكة وبناء عليه تم إيقاف مصانع الشركة التلاتة

وبتمتلك "موبكو" أكبر مصانع الأسمدة النيتروجينة في مصر وهي متخصصة في إنتاج اليوريا المحببة كمنتج أساسي والأمونيا كمنتج وسيط.

وقبل موبكو  ب 24 ساعة أعلنت شركة أبوقير للأسمدة والصناعات الكيماوية، "أكبر مصنع للأسمدة" بمصر، عن إيقاف مصانعها التلاتة في مصر عن العمل بسبب توقف إمدادات الغاز الطبيعي لها.

وكانت شركة سيدي كرير للبتروكيماويات أعلنت هي كمان توقف  مصانع الشركة نظراً لانقطاع غازات التغذية

وبتستورد مصرسنويا حوالى 7 مليار متر مكعب من الغاز الطبيعي من احدى دول الجوار وكان الغرض المعلن من الاستيراد هو إسالة الغاز وتصديره إلى أوروبا لكن الأمر توقّف من مايو2024 وقررت الحكومة وقف صادرات الغاز المسال من أجل تلبية الطلب المحلي المتزايد.. واللى تسبب فى انقطاع الكهرباء لفترات طويلة