لو بتدور على شقة وممعكش تمنها.. بنك مصر هيشتريهالك على المفتاح
![بنك مصر]( /UploadCache/libfiles/5/6/600x338o/78.jpg)
نفسك تشتري شقة في المدن الجديدة ومش معاك تمنها بدل الايجار والزحمة بنك مصر هيخلي حلمك حقيقة وهيشتريلك الشقة وهتستلمها وهتقسط بأقل فايدة ضمن أفضل برنامج تمويل عقاري في مصر.. خلكيم معانا هتعرف التفاصيل
التمويل العقاري دلوقتي بقي هو الحل السحري لاي حد عاوز يشتري شقة قي اي مكان من المدن الجديدة واللي بتطرخ شقق كل شوية وبنك مصر بيقدم خدمة التمويل العقاري بمميزات كتيرة جدا منها إنه بيقدم أقل فايدة وبالتقسيط المريح وعشان كده عمل بروتوكولات مع صندوق التنمية الحضرية، وصندوق الإسكان الاجتماعي ودعم التمويل العقاري، لتوفير خدمات الحصول على شقة سكنية لمحدودي ومتوسطي الدخل بمحافظات الجمهورية كلها وبأقل سعر فايدة زي ما قلنا وأطول فترة سداد تصل إلى 30 سنة.
وبنك مصر كمان بيدفع العميل أقل مقدم بدفع 10% بس من تمن الشقة، و البنك بيدفع الـ90% الباقية وبعدها العميل يسدد التمويل على 30 سنة، حسب بروتوكول التعاون مع صندوق التنمية الحضرية.
طيب ايه هي الأوراق المطلوبة للحصول على التمويل.. شوف حضرتك كلها اوراق بسيطة وهي
صورة من بطاقة الرقم القومي للأعزب سارية سواء «شباب، إناث».
وصورة من بطاقات الرقم القومي سارية للمتزوجين.
ووثيقة الزواج.
و قيد عائلي للمتزوجين.
و وثيقة الطلاق للمطلقة.
وشهادة الوفاة للأرملة.
و بيان نفقة المطلقات.
كمان البنك هيحتاج شهادات الميلاد للأبناء تحت سن الـ16 سنة «أو صور بطاقات الرقم القومي للأبناء سارية فوق سن الـ16 عامًا».
وبرنت معاش لأصحاب المعاشات.
وشهادة إثبات دخل من مكتب محاسب قانوني مُعتمد موجهة إلى صندوق الإسكان الاجتماعي ودعم التمويل العقاري مؤرخة ومختومة في حالة الأعمال الحرة».
ومفردات مرتب مع بيان المهنة ومجموع صافي الدخل والحوافز، وذلك في حالة الموظف سواء قطاع عام أو خاص.
وإيصالات مرافق حديثة «غاز، مياه، كهرباء» للشقة المطلوبة.
وجواب من مالك الشقة محدد به السعر المطلوب للشقة ومرفق به جميع أوراق ملكية الشقة.
وبالنسبة لشروط الحصول على التمويل فهي إن يكون الحد الأقصى للدخل 4200 جنيه بالنسبة للأعزب، 5700 جنيه بالنسبة للمتزوج.
وألا يتجاوز القسط الشهري نسبة 40% من الدخل.
و الحد الأقصى للمقدم المسموح بسداده 50% والحد الأدنى 15% من قيمة الوحدة.
وبالنسبة للمتزوجين يتم منح إجمالي التمويل للطرفين.
وبعد ما تجهز كل الورق المطلوب بتروح فرع البنك الأقرب ليك وبتوقع على شوية اوراق وموظف البنك بيشرحلك نظام الدفع وبالتقسيط وبعدها بتروح تستلم شقتك واللي بتكون جاهزة ومتشطبة كمان وتقدر تسكن فيها فورا لكن في نفس الوقت لازم تعرف إن اقساط البنك ومواعيدها وتسديدها في وقتها حاجة البنك مش بيتساهل فيها خالص وبياخد إجراءات في حالة التأخير غير المنطقي في دفع الأقساط وبتكون فيه غرامات تأخير طبعا وحاجات تانية انت في غنى عنها.