سر الصعود المفاجيء للدولار

يا ترى ايه اللى بيحصل فى سوق صرف العملات الأجنبية فى الساعات الأخيرة؟ وليه سعر الدولاربدأ يزيد بشكل مفاجيء؟ وايه علاقة اللى بيحصل دلوقتي بموقعة الأحد فى بنوك مصر؟ وهل الدولار هيفضل يزيد كده ولا ممكن الجنيه يعمل ريمونتادا؟

من امبارح ومع عودة البنوك للعمل بعدأجازة عيد الأضحى اللى استمرت 6 ايام بيواصل الدولار الأمريكيارتفاعه وصعد أعلى سعر للدولار في البنوك المصرية إلى 48.7 واصبح  الدولار قريب من كسر مستوى 49 في السوق الرسمية.

ووفقا لعدد كبيرمن المحللين فالسبب الرئيسي فى ارتفاع قيمة الدولاروتراجع الجنية هو توقف مصر عن قبول دفع فوائد كبيرة على أذون الخزانة عشان لا تفاقم من خدمة الدين الأجنبي.. وده طبعا بيدفع الأموال الساخنة للتخارج من الاقتصاد المصري أو على اقل تقديربيمنع دخول تدفقات دولارية فى وقت مصر ما قدرتش تطور من مصادر النقد الأجنبي حتى بعد حصولها على قرض صندوق النقد الدولي بعد زيادته وأموال صفقة رأس الحكمة.

وفى الايام اللى فاتت بدات تعود من تانى مجموعة  من المظاهر السلبية زي ظهور أوفربرايس على أسعار السيارات من جديد وكمان توقعت فيتش سوليوشنز استمرار التضخم في مصر عند مستوى 30% في المتوسط خلال 2024 وأن يصل إلى متوسط 18% في 2025. ودي توقعات أعلى من التقديرات السابقة من المؤسسة وساهمت أخبار زيادة أسعار الكهرباء في يوليو والبنزين والسولار  في تغيير النظرة المستقبلية للتضخم.

طب هل الكلام ده معناه ان الدولارهيواصل الارتفاع الأيام الجاية ؟

بسخلاص فكرة استقرار سعر صرف الدولاربقت من الماضى يعنى شوية هتلاقي الدولار بيرفع وسعره يزيد وشوية هتلاقي فيه هبوط وانخفاض وده وفقا لعوامل ومتغيرات بتاحصل فى السوق وكل ما كان فيه توافر فى كميات العملة الأجنبية كل ماسعر الدولارنزل والعكس صحيح كلما قلت التدفقات الدولارية كل ما الطلب زاد وسعر العملة الأمريكية هيرتفع

وازاى البنك المركزي هيتعامل مع اللى بيحصل فى سوق صرف العملات الأجنبية ؟

البنك المركزي هيضخ الفترة الجاية كمية كبيرة من الدولارات فى البنوكلتلبية طلبات المستوردين والشركات وده هيزود المعروض وهيخلى سوق الصرف يهدا من تانى وبكده سعر الدولار هيرتاجع فى البنوك