مشروع العرجاني وقطر اللي هيعمل قلبان في سوق العقارات

من حوالى شهر كده تم الاعلان عن تفاصيل زيارة وفد قطرى لرجل الأعمال ابراهيم العرجاني رئيس مجلس ادارة مجموعة العرجاني جروب.. الكلام اللى اتقال وقتها ان سبب الزيارة هو تقديم التهنئة للعرجانى على رئاسة اتحاد القبائل العربية .. لكن الكواليس اللى عرفناها بعد كده بتقول غير كده خالص وبتقول ان هيكون فيه تعاون كبير بين العرجانى وبين القطريين.. فيا ترى ايه تفاصيل التعاون اللى هيحصل ؟ وايه أهم المشروعات اللى هيتم تنفيذها بين الطرفين؟

قطر زيها زي باقي دول الخليج مهتمة جدا باقتناص الفرص الاستثمارية الموجودة فى السوق المصري واستغلال التيسيرات والتسهيلات غير المسبوقة اللى بتوفرها الحكومة للمستثمرين الأجانب وعشان كده هتلاقى طول الفترة اللى فاتت زيارات رسمية لمسئولين قطريين ووفود رجال اعمال بتزور القاهرة ومن ضمن الزيارات دي زيارة قام بيها وفد قطري لمجموعة العرجانى وبحث خلالها مع رجل الاعمال ابراهيم العرجاني  سبل التعاون المشترك في المجالات الصناعية والزراعية والتجارية وإنشاء عدة شركات مشتركة في كافة المجالات.

وفي أول ترجمة لنتائج زيارة الوفد القطرى وقعت مجموعة العرجانى جروب وشركة الديار القطرية للاستثمار العقارى، عقد شراكة استراتيجى لتنفيذ مشروع سيتى جيت بالتجمع الخامس بمدينة القاهرة الجديدة، والبرج السكنى بفندق سانت ريجيس، ومشروع فندقى بمدينة شرم الشيخ والغردقة.

ووقع عقد الشراكة عن الجانب القطري الشيخ حمد بن طلال آل ثانى رئيس قطاع التطوير وتسليم المشاريع فى آسيا وإفريقيا بالديار القطرية، والشيخ ابراهيم العرجانى رئيس مجموعة العرجانى جروب.

ومن المقرر تعاون مجموعة العرجانى جروب مع شركة الديار القطرية فى مشروعات تانية هيتم الإعلان عنها فور الانتهاء من دراستها.

ويعد مشروع سيتى جيت المقرر تطويره ضمن عقد الشراكة أحد أكبر مشاريع شركة الديار القطرية فى مصر، وبيقام على مساحة 8.5 مليون متر مربع وبيوفر آلاف من فرص العمل فى السوق المحلى، بجانب أن تكلفته النهائية حوالى 12 مليار دولار.

وبتمتلك شركة الديار القطرية فى مصر محفظة أراضى تمتد إلى 40 مليون متر مربع، ومشروعات فى وسط وشرق وغرب القاهرة منها: نيو جيزة وسيتى جيت القاهرة الجديدة، وسانت ريجيس القاهرة، بالاضافة كمان لمشروعين على البحر الأحمر بشرم الشيخ والغردقة.

وبتعمل شركة الديار القطرية فى 20 دولة وبتنفذ حاليا أكتر من 50 مشروع عقاري وفندقي بقيمة أعمال تبلغ 35 مليار دولار، منها: مدينة لوسيل بقطر، سى بيرل باسطنبول بدولة تركيا، سيتى سنتر بالولايات المتحدة، سانت ريجيس بالقاهرة، سيتى جيت بالقاهرة الجديدة، شلسى باركس بالمملكة المتحدة.

وطبعا دخول الشركة فى شراكة مع مجموعة كبيرة وواعدة زيمجموعة العرجانيده هيزيد من حجم مشروعات الشركة القطرية العملاقة فى مصر وهيزودمن نسب تنفيذ مشروعاتها وكمان هيساهم فى دخولها فى مشروعات جديدة خلال الفترة الجاية