ضربة قاضية على راس الدولار.. مشروع الـ13 مليار دولار بدأ
احنا والدولار والزمن طويل.. دي شعار البنك المركزي المصري دلوقتي والجنيه والحكومة والدولة كلها.. ازاي اسطورة الوحش الامريكي قربت تنتهي في مصر وإزاي عفريت الدولار مبقاش يخوف.. تعالو نشوف التفاصيل.
من ساعة من أزمة نقص الدولار الأمريكي في بدايات 2023 والدولة فاقت لمشكلة كبيرة ورغم إن كان فيه خطط جاهزة وبتتنفذ ضمن خطة النهوض الاقتصادي في كل المجالات والاف المشروعات العملاقة اللي اتنفذت ولسه بتتنفذ ومن بينها زيادة الصادرات ل100 مليار دولار في المرحلة الأولي وغير توطين الصناعة وتقليل الاستيراد في مقابل تعظيم ايرادات الدولة من العملة الخضراء في قطاعات زي السياحة وقناة السويس والتحويلا واخيرا الاستثمارات الضخمة وكل ده زي ما قلنا الدولة اشتغلت عليه من قبل حتي ما تحصل أزمة الدولار.
طيب ايه اللي حصل بعدها؟
جت المشكلة الروسية وبعدها الأزمة اللي على الحدود والعالم حاله اتقلب فجأة والاسعار العالمية ولعت بسبب العقوبات الامريكية وهرب الاستثمارات والاموال الساخنة في مصر ومفيش استثمارات تانية دخلت البلد بسبب ازمة تعدد سعر الصرف وده كلنا عشناه لكن رب ضارة نافعة زي ما بيقول المثل ومصر قررت تحل أزمة الدولار من جذورها وتوفير مالايقل عن 300 مليار دولار في السنة قابلة للزيادة من كل الموارد المتاحة وفي مقدمتها التصدير والاستثمار وغيرها.
لو بتسأل على الجديد مصر اشتغلت على ملف مهم جدا للتغلب على أزمة الدولار وفي نفس لتحقيق هدف ال300 مليار دولار وهو ملف الاستثمار وميزة الملف ده إنه مش بيحمل الدولة حاجة او تكاليف انتاج وتشغيل زي باقي القطاعات لكن الاستثمار مليارات بتدخل عندك من بره وبتشتغل في السوق وبتزود المعروض النقدي والاحتياطي وتهدي سوق الصرف وبتنفخ في صور الجنيه وكلنا شفنا اللي حصل بعد صفقة راس الحكمة.
في ملف الاستثمار دلوقتي مصر ما اكتفتش بالمناطق الترفيهية والسياحية زي اللي بيحصل في راس الحكمة لكن اتجهت لقطاع حيوي ومهم جدا واللي يملكه يبقي بيملك مفاتيح القوة والسيطرة وهو قطاع الطاقة المتجددة واللي بيعتبر مستقبل اقتصاد العالم والكل بيستثمر فيه دلوقتي بمبالغ رهيبة ومصر قدرت تجذب الاستثمارات الأجنبية المباشرة، لإنتاج حجم هائل من الكهرباء من الطاقات المتجددة، وساعد مصر في ده موقعها الجغرافي اللي مفيش أخوه في العالم واللي مكنها من تصدير الطاقة الخضراء إلى أوروبا، والبدء في انشاء العديد من مشاريع الطاقة الخضراء لمواكبة التطور العالمي بشأن قضية تغير المناخ والاتجاه نحو الاقتصاد الأخضر ومصر خطت خطوات كبيرة جدا في ده.
اخر المشروعات العملاقة اللي بتنفذها مصر في مجال الطاقة النظيفة المشروع اللي اعلنت عنه شركة سكاتك النرويجية بحجم استثمارات 13 مليار دولار وأكيد حضرتك اتخضيت من الرقم لكن ده فعلا بيحصل دلوقتي والحقيقة هو أكتر من مشروع في بعض منها مشروع مزرعة رياح عملاقة باستثمارات 5 مليار دولار غرب سوهاج لإنتاج 5000 ميجا وات من الطاقة ومعاه محطة طاقة شمسية باستثمارات 1.1 مليار دولار بنجع حمادي لإنتاج 1000 ميجا وات.
الشركة النرويجية كمان شغالة في مشروع مصنع لإنتاج الميثانول الأخضر بميناء شرق بورسعيد باستثمارات 1.1 مليار دولار ملحق بيها مشروع مزرعة رياح بطاقة 317 ميجا وات ومحطة طاقة شمسية بطاقة 140 ميجا وات ومصنع تاني بميناء دمياط باستثمارات 450 مليون دولار وبتضم مزرعة رياح بقدرة 120 ميجا وات ومحطة طاقة شمسية بقدرة 40 ميجا وات.
