عايز تركب عربية ملاكي.. بنك مصر عنده المفاتيح وعلى 10 سنين
![قرض السيارة]( /UploadCache/libfiles/5/6/600x338o/53.jpg)
نفسك تشتري عربية من اللي بتشوفها في الفيديوهات على طريق الساحل الشمالي متقلقش بنك مصر هيسلمك المفاتيح من غير ماتدفع ولا مليم وهتسدد على راحتك.. شوف التفاصيل في التقرير التالي.
ناس كتير بيكون عندها مقدرة مالية لكن متقدرش تدفع مبلغ كبير مرة واحدة في وقت معين وعشان كده بنك مصر اختار الفئة دي من العملاء وعرض عليهم فرصة ماتتعوضش لشراء سيارة من النوع الفاخر وبتمويل بيوصل ل6 مليون جنيه.. وعلى أقساط تصل إلى 120 شهر يعني 10 سنين بحالهم.
تعالو نشوف مع بعض قواعد وشروط الحصول على قرض السيارة من بنك مصر أول حاجة القرض متاح للمصريين بس وبيكون بموجب الدخل الافتراضي وأما للموظفين فبيكون بموجب اثبات الدخل وتعهد جهة العمل بتحويل الراتب / القسط الشهري
ولأصحاب المهن الحرة وأصحاب الأنشطة التجارية والصناعية هتصرف القرض بضمان اثبات الدخل بردو.. كمان بنك مصر بيصرفلك القرض بضمان الأوعية الادخارية للمصريين والأجانب
طيب ايه هي الشروط العامة لمنح القرض؟
كلها شروط بسيطة منها إن الحد الأدنى لعمر المقترض مابكونش أقل من 21 سنة، والحد الأقصى للقرض 6 مليون جنيه زي ماقلنا ونسبة التمويل تصل إلى 100%، تصل مدة التمويل للقرض إلى 120 شهرا
أما بخصوص المستندات المطلوبة للحصول علي القرض السيارة من بنك مصر فهي صورة بطاقة الرقم القومي سارية، وأصل إيصال مرافق على مقر إقامة العميل «غاز-كهرباء – مياه – تليفون»، وعرض أسعار معتمد من المعرض، وكمان البنك هيحتاج شهادة مفردات الراتب الشهري للموظفين، وتعهد جهة العمل بتحويل الراتب / القسط الشهري «في حالة تعهد جهة العمل» للموظفين
المستندات المطلوبة بالنسبة لأصحاب المهن الحرة والأنشطة التجارية والصناعية
صورة البطاقة الضريبية
صورة ترخيص / تصريح مزاولة المهنة« للمهن الحرة
صورة مستخرج رسمي حديث من السجل التجاري
كشف حساب بنكي لمدة 6 أشهر
طريقة التقديم لقرض السيارة من بنك مصر .. كل اللي عليك إنك تحضر الورق والمستندات المطلوبة منك وتتقدم بيها لأقرب فرع للبنك بمنطقتك وفي غضون ساعة الاجراءات هتخلص وتقدر تصرف القرض وتشتري العربية اللي نفسك فيها..
وفي اخر الفيديو بنقولك نصيحة لو هتاخد أي قرض من اي بنك يبقي لازم تكون عارف كويس إن فيه فايدة ومواعيد اقساط ماينفعش تفوتها وإلا هتوقع عليك غرامات تأخير وبعدها البنك ممكن ياخد اجراات تانية قانونية انت في غنى عنها وعشان كده لازم تعمل حسابك قبل ماتروح اي بنك وتطلب قرض.