هدية روسية للمصريين.. فتح آلاف من فرص العمل والاستثمار

 

إيه اللي بيحصل في روسيا وايه علاقته بالمصريين تحديدا وايه هي بوابة الرزق والاستثمار الجديدة للمصريين وايه علاقة ده كله بدخول مصر للبريكس وليه دول كتير نفسها وبتسعى للانضمام الى التكتل العالمي.. كل التفاصيل هتشوفوها في الفيديو ده خليكم معانا للآخر 
 

 
زي ما احنا عارفين مصر انضمت رسميا للبريكس وهو تجمع ضخم جدا من الدول والأسواق والاقتصاديات الكبيرة زي الصين والهند وروسيا والبرازيل وجنوب أفريقيا والسعودية والإمارات وغيرها من الدول وزي ما احنا عارفين بردو إن اختيار مصر من بين اكتر من 20 دولة اتقدمت للعضوية مجاش من فراغ لأن إضافة أي دولة لتجمع بيضم نص أسواق العالم مش عملية ساهلة ولازم تكون إضافة التكتل الضخم وتحالف البريكس شاف في مصر إمكانيات لاقتصاد واعد بخلاف موقعها المتميز على جغرافيا العالم ولأنها بوابة افريقيا وحدودها بتوقع في قارتين غير الإمكانيات البشرية الكبيرة ونجحت في دخول البريكس مع السعودية والإمارات..
مصر مفيش شك طلبت الانضمام للبريكس عشان شافت فيه مصلحتها وكان عندها بعد نظر لأن التكتل بيمثل فرصة ذهبية لانطلاق الاقتصاد المصري في سوق ضخم ومع دول بتربطها علاقات قوية مع مصر تاريخياً وكمان بتشترك في هدف أن البريكس عدو مشترك للدولار واللي مصر عانت كتير بسببه مع اتجاه دول التحالف للاعتماد آجلا أو عاجلا على عملة دولية بديلة للوحش الأمريكي اللي اتحول لأداة تأديب للدول المعارضة أو الاعتماد على العملات الوطنية للدول الأعضاء في تعاملاتها التجارية أو المالية فيما بينها واجتماع بريكس الأخير في روسيا شدد اووي على النقطة دي وزي ما احنا عارفين إن مصر ليها تعاملات تجارية مع الدول في التكتل متقلش عن 30 مليار دولار.
كل ده مش جديد لكن مقدمة للي جاي وهو إن مصر كل يوم بتكسب حاجة جديدة من انضمامها للبريكس آخرها أن روسيا بتدرس إلغاء أو تسهيل دخول الأفراد من دول أعضاء بريكس للسوق الروسية وطبعا من بينها مصر وده معناه ببساطة أن السوق الروسي هيكون مفتوح لآلاف المصريين اللي بيدوروا على فرصة عمل أو التجارة والبيزنس في السوق الروسية الواسعة وهتفتح أبواب رزق حديدة قدام المصريين وهتسهل عمليات التجارة والاستيراد والتصدير كمان.
مش بس كده ده كمان روسيا أعلنت عزمها  تعزيز التعاون في مجال الطاقة بين دول البريكس، وضمان حصول الدول الأعضاء على طاقة ميسورة التكلفة وموثوقة وضمان أمن الطاقة  للتنمية الاقتصادية والاستقرار الاجتماعي والأمن القومي ورفاهية جميع دول الأعضاء ودي نقطة مهمة جدا لمصر واللي بتعاني من أزمات في الطاقة بسبب ارتفاع الأسعار عالميا وزي ما احنا عارفين إن روسيا من اكتر الدول المنتجة للطاقة بأنواعها في العالم ومصر لو قدرت تحصل من الروس على طاقة بأسعار تميزية هيبقى جابت جون مهم جدا في الدولار وده غير فتح الباب أمام الاستثمارات لدول بريكس في التنقيب عن البترول والغاز في السوق المصري.