أجازة البنوك فى العيد هتخلص امتى؟وتعمل ايه لو عاوز فلوس والبنوك قافلة؟
![البنك المركزي المصري]( /UploadCache/libfiles/5/5/600x338o/972.jpg)
يا ترى أجازة البنوك فى عيد الأضحى هتخلص امتى ؟ ولو عاوز تسحب او تبعت فلوس والبنوك قافلة ممكن تتصرف إزاي؟ وايه الخدمات اللى بتقدمها الينوك فى الاجازات الرسمية؟
من يوم الجمعة 14 يونيو بدأت أجازة عيد الأضحى المبارك فى مختلف المصالح والهيئات الحكومية ومن ضمنها البنوك اللى كان اخر يوم عمل ليها قبل اجازة العيد يوم الخميس 13 يونيو.. فيا ترى امتى أجازة البنوك هتنتهى وترجع تقدم خدماتها للعملاء من جديد
وفقا لما تم اعلانه من مجلس الوزراءة فاجازة البنوك هتستمر 9 أيام بداية من الجمعة 14 يونيو الى السبت 22 يونيو وهتعاود البنوك عملها وتستقبل العملاء بداية من يوم الحد الجاى 23 يونيو .. ودي واحدة من أطول الاجازات للبنوك فى مصر لأنها هتستمر لحوالى 9 ايام لتصادف الإجازة الرسمية مع العطلات الأسبوعية في بداية ونهاية الإجازة، وهيتمتع العاملين بالبنوك والعاملين بالقطاعين الحكومي والخاص بأطول إجازة رسمية في عام 2024.
طب ايه الخدمات اللى بتقدمها البنوك فى اجازة العيد؟
مع التطور الكبير والشمول المالى اللى بينفذه البنك المركزي مرخرا فيه خدمات كتيرة ممكن تستفيد منها خلال اجازة البنوك وعلى راسها طبعا السحب والايداع من ماكينات الصراف الالى التابعة لمختلف البنوك والمنتشرة فى كل شوارع الجمهورية من اسوان الى الاسكندرية ومن خلال الماكينات دي كمان تقدر تستعلم عن أرصدتك وتقدر كمان تغير عملات أجنبية من بعض المكن اللى بيتيح الخدمة دي
وبتحظى ماكينات الصراف الألى باقبال كبير جدا خلال اجازات العيد وباقي الاجازات الرسمية على مدار العام وبتمتلك معظم البنوك شبكة قوية جدا من ماكينات الـ atm اللى بتقدم خدماتها للعملاء بسهولة ويسر .. بالاضافة كمان الى تطبيقات الموبايل اللى بتعمل منها تحويل لحظة وتقدر كمان تسدد اقساطك وتدفع فواتير الكهربا والمياه والغاز والانترنت .. بالاضافة الى تطبيق انستاباى التابع للبنك المركزي واللى بيضم عدد كبير من البنوك المصرية وعليه خدمات مهمة وكتيرة