مصر تقتحم سوق بـ580 مليار دولار.. دخلنا في الجد وشوف هتعمل ايه

الصناعة والتصنيع والابتكار والتطوير المستمر هو مستقبل اي بلد عاوز يبقي بلد مختلف وليه مستقبل.. ايه اللي بتعمله مصر دلوقتي خلاها تخطي أو خطوات قوية في تاريخها وايه الصناعات اللي كانت محظورة على الدول النامية ومصر اقتحمتها وايه حكاية السوق ابو 580 مليار دولار ده.. خليكم معانا وهنعرف التفاصيل للآخر في الفيديو ده.

 
العالم كله زمان ودلوقتي عبارة عن حلبة صراع ومنافسة على مدار الساعة وشفنا الحروب التجارية والاقتصادية والصراعات على الأسواق الدولية والإقليمية وازاي بقي الاقتصاد وسيلة من وسائل وأدوات قوة الدولة وسيادتها واستقلالها وازاي دولة زي الولايات المتحدة بتحكم العالم من خلال الدولار وبتفرض عقوبات هنا وهناك عشان ما تسمحش بقوة تانية تنافسها في التجارة والمال زي ما بتعمل كده مع الصين.
طيب ازاي بيبقى فيه عندها اقتصاد قوي وتصنيع لكن في نفس الوقت متفوقة على الدول التانية حتي لو عندها صناعة متطورة..؟
شوف حضرتك زي ما قلنا العالم بيطحن في بعض والدول لتقوم بينها حروب ومشاكل كبيرة بسبب احتكار التكنولوجيا والابتكار واسرار الصناعة زي ما بيسموها وشفنا حرب الرقائق الإلكترونية بين أمريكا وبقية العالم واللي الولايات المتحدة بتتحكم فيها وهي صناعة مهمة جدا ودقيقة وبتدخل في أغلب الصناعات الالكترونيه المتطورة زي الموبايلات الذكية وأنظمة الاتصالات والريبوت وغيرها وغيرها من الصناعات اللي طالعة جديد.. يعني الصراع بين دول بقي صراع على احتكار التكنولوجيا الاحدث أو بمعني أصح احتكار العلم والمعرفة وده مش هيجي غير لو عندك مراكز أبحاث متقدمة وناس مدربة وصناعة دقيقة بتجرب عليها كل جديد في التكنولوجيا عشان تسبق غيرك.
ليه طيب بنتكلم عن صناعه الرقائق الإلكترونية بالذات النهاردة ؟
عشان ومش هتصدق الحكومة عندنا بدأت في إجراءات الطرح لاختيار استشاري عالمي لوضع استراتيجية لتوطين صناعة الرقائق الالكترونية لتخصيص جزء من المخصصات المالية المطلوبة لتوطين تلك الصناعة بموازنة السنة الجاية ودي مجرد بداية عشان مصر تقتحم سوق الرقائق العالمي واللي وصل قيمته 580 مليار دولار في 2022 واكيد زاد في الإحصائيات اللي لسه هتطلع ومتوقع يوصل حجمه تريليون دولار بحلول 2030 يعني بنتكلم في صناعة وتكنولوجيا وشكل المستقبل ومصر بتخطط إنه يكون ليها حصة في صناعة الرقائق وأشباه الموصلات واللي بتعتبر هي مركز  ومحور كل الصناعات اللي هتظهر في السنين اللي جاية.
الدخول في صناعة الرقائق الإلكترونية وأشباه الموصلات مش سهل خالص ومصر هتدخل مع حيتان الصناعة لكن محدش بيوقف مكانه ويغير مصيره ولازم تبدأ عشان والنهاردة قبل بكرة عشان القطر مش بيستنى حد وعشان بكرة شكله مختلف.