ضربة قاتلة للدولار.. مصر هتوفر 30 مليار دولار في السنة
![الدولار]( /UploadCache/libfiles/5/5/600x338o/751.jpg)
ايه الي بيحصل في بريكس وإزاي التكتل أعلن الحرب على الدولار الأمريكي وإزاي مصر هتستفاد من استهداف الدولار وحكاية ال30 مليار دولار اللي هتوفرهم في السنة وتأثير ده على سعر الصرف.. خليكم معانا للآخر وهتعرفوا التفاصيل في التقرير التالي.
معروف إن مصر بقت عضو رسمي في تكتل دول بريكس واللي بيضم اهم اقتصاديات في العالم زي الصين وروسيا والهند والسعودية والإمارات وجنوب أفريقيا وغيرها من الدول في اكبر سوق بالعالم بيضم تقريبا نص سكان الكرة الأرضية و40% من مساحة العالم وده بيورينا قد أيه أهمية تجمع أو تكتل البريكس ومعروف كمان إن التجمع الضخم ده ليه اهداف رئيسية وخطوط عريضة منها تحقيق التكامل الاقتصادي والتجاري والمالي بين الدول الأعضاء وبينهم مصر.
طيب إيه الجديد في ملف بريكس والفايدة على مصر ؟
شوف ياسيدي من أهداف البريكس الرئيسية هي مواجهة سطوة الدولار الأمريكي واللي اتحول لأداة ضغط على دول كتير منها روسيا والصين وبقي وسيلة لفرض عقوبات اقتصادية ومالية على كتير من الدول عشان كده دول بريكس من مصلحتها تستغني أو تقلل الاعتماد على العملة الأمريكية في التعاملات التجارية والمالية والتمويلية بين الدول الأعضاء في التكتل الكبير ودي مسألة مهمة جدا بالنسبة لروسيا والصين والهند تحديدا لمواجهة العقوبات الامريكيه ولمصر كمان في تقليل الاعتماد على الدولار والتخفيف من تأثيره على الجنيه وارتفاع الأسعار وحل أزمة نقص الدولار ولو ده حصل يبقي تقريباً كده كل مشاكل مصر اتحلت بشكل تلقائي لأن كل الأزمات الاقتصادية في مصر سببها ارتفاع أسعار العملة الأمريكية.
والجديد بقي أن دول مجموعة البريكس، أصدرت في الساعات الأخيرة بياا مشترك في ختام اجتماعات وزراء خارجية البريكس واللي انعقد أفي مدينة نيجني نوفجورود في روسيا وقالت فيه أن التوسع في استخدام العملات الوطنية للمدفوعات التجارية داخل الرابطة أو التكتل على رأس الأولويات وإن الموضوع مهم جدا وهيام اتخاذ إجراءات عملية للحد من سيطرة الدولار في التعاملات التجارية والمالية بين دول البريكس وبحسب البيان الذي نشرته وزارة الشؤون الخارجية الهندية، شدد الوزراء على أهمية تعزيز استخدام العملات المحلية في المعاملات التجارية والمالية بين دول البريكس .. مش كده وبس ده كمان البيان المشترك قال إن دول البريكس تعتزم تطوير التعاون في قطاع الطاقة، والحصول على طاقة ميسورة التكلفة وموثوقة أساس التنمية الإقتصادية وضمان أمن الطاقة يشكل أساساً حاسماً للتنمية الاقتصادية والاستقرار الاجتماعي والأمن القومي ورفاهية جميع دول العالم.
مصر طبعا من اكتر الدول اللي هتستفاد من القرار أو السياسية اللي بريكس بيسعي لتطبيقها بالاعتماد على العملات الوطنية للدول الأعضاء بما فيها الجنيه المصري لأنها هتوفر حوالي30 مليار دولار ودي إجمالي التبادل التجاري بين مصر ودول البريكس وده معناه زيادة المعروض بشكل كبير جدا من العملة الأمريكية في السوق المصري و30 مليار دولار رقم ضخم جدا كفيل يغير المعادلة لصالح الجنيه ومش عاوزين ننسي إن بنك التنمية الجديد التابع لبريكس عقد اجتماعات مهمة في مصر الآيام اللي فاتت لاستعراض فرص مساعدة مصر ماليا بعيدا عن المؤسسات المالية الدولية واللي بتقرض بأسعار فايدة عالية وبشروط صعبة على عكس بنك البريكس اللي مهمته الأساسية مساعدة دول التكتل مش استغلالهم.