هجوم استثماري أوروبي على مصر.. حكاية أكبر حدث في المنطقة
![الدولار]( /UploadCache/libfiles/5/5/600x338o/750.jpg)
هي الحكومة عندها حالة طوارئ ليه وليه مؤسسة الرئاسة مهتمة جدا بحدث مهم هيحصل في مصر على آخر الشهر ده وايه علاقة الحدث الكبير بالاقتصاد والاستثمار وسوق الصرف والدولار.. تعالوا نشوف إيه الحكاية مع بعض.
من كام ساعة الرئيس السيسي استقبل الدكتور مصطفى مدبولي في اجتماع مهم جدا استعرض فيه الرئيس شخصيا تفاصيل الاستعدادات والترتيبات للمؤتمر الاستثماري المصري الأوروبي واللي هيعقد في الفترة من 29و30 يونيو الحالي وعشان الرئيس يجتمع برئيس الوزراء عشان حدث زي ده فأكيد طبعا ده حدث مهم جدا للاقتصاد والأسواق وخاصة الاستثمار الأوروبي الضخم المتوقع في مصر وطالما المؤتمر مهم جدا كده يبقي اكيد حجم الاستثمارات المتوقعة منه ضخمة جدا.
واللي بيدل تاني على أهمية الحدث هو أن الحكومة رجعت واجتمعت تاني برئاسة الدكتور مصطفى مدبولي بعد اجتماعه بالرئيس لنفس السبب وهو بحث الاستعدادات للمؤتمر الاستثماري "المصري- الأوروبي" والترتيبات اللوجستية للمؤتمر، وعلى رأسها عرض الفرص الاستثمارية المقرر طرحها على كبار المستثمرين الأوربيين في مختلف القطاعات خلال المؤتمر.
طيب ايه أهمية المؤتمر ده؟
اكيد بعد اللي قلناه لحضراتكم ده أن الدولة كلها وعلى أعلى المستويات بتحضر للمؤتمر يبقي اكيد بالأهمية اللي تخليه محل ترقب واهتمام ونتيجة لحجم الاستثمارات والمليارات اللي ممكن تدخل مصر في كل المجالات الاقتصادية وزي ما أحنا عارفين مصر بقت شريك استراتيجي لاوروبا ولو فاكرين من كام شهر لما زار القاهرة 6 زعماء من أوروبا لإعلان الشراكة الاستراتيجية بين مصر وكل أوروبا والكلام ساعتها عن استثمارات ضخمة ومنح وتسهيلات.
طيب أوروبا مهتمة ليه كده بمصر ويخليها تعمل مؤتمر استثمارادي ضخم زي ده؟
لأسباب جغرافية بحتة ولأن مصر هي بوابة جنوب المتوسط للقارة الأوروبية ولأن مصر أكبر شريك لاوروبا في افريقيا وتقوي واكبر دولة مؤثره في منطقة كلها قلق وتوترات وصراعات وإن مصر بالنسبة لاوروبا هي حارس استقرار كل القارة الأوروبية وصمام الأمان ليها ومن مصلحتها تفضل مستقرة اقتصاديا لأن مساعده مصر هو استثمار في استقرار أوروبا نفسه.
طيب نرجع للمؤتمر مين اللي هيشارك فيه وايه القطاعات اللي هيتم الاستثمار فيها؟
حسب المعلومات والتصريحات الرسمية المؤتمر هيشهد حضور عدد ضخم من المستثمرين الاوربيين في قطاعات البنية التحتية والطاقة المتجددة والأمن الغذائي والصحة والتعليم والنقل والمياه والصرف الصحي، وإن الحكومة هتعرض مئات الفرص الاستثمارية على المؤتمر في كل المجالات خاصة التصنيع والسياحة والتجارة والتكامل الاقتصادي والتكنولوجيا والمؤتمر ييهدف في النهاية إلى التعريف بمختلف الفرص الاستثمارية المتاحة في الاقتصاد المصري، كما يسعى إلى تعزيز أوجه التعاون الاقتصادي بين مصر ودول الاتحاد الأوربي وفيه حاجة تانية مهمة جدا بتدلل على أهمية المؤتمر اللي جاي وهي إن المؤتمر مدعوم بشكل كبير من رؤساء ومؤسسات القارة الأوروبية يعني لازم هيكون فيه نتائج ضخمة وهيتم الإعلان عن صفقات ضخمة واستثمارات بمليارات الدولارات وإلا مكنتش مصر تهتم بالمؤتمر بالشكل ده.
طيب ايه علاقة المؤتمر بسوق الصرف والدولار ؟
شوف حضرتك مؤتمر زي ده ممكن يقلب سوق الاستثمار والصرف والدولار لأنه معناه تدفقات دولارية جديدة في السوق المصري وزيادة المعروض من العملة الأمريكية وبالتالي سعرها هينزل قدام الجنيه غير فوايد تانية كتير هنعرفها في وقتها.