منافس قوي جديد للذهب.. ظهور معدن جديد يهز الصاغة المصرية

 
هو إيه اللي بيحصل في الصاغة وايه حكاية المعدن الجديد اللي بينافس الدهب وعبارة عن ايه وسر انتشاره وهل ممكن يبقي بديل الدهب تعالوا نشوف إيه الحكاية 
 

من ساعات كده الشعبة العامة للذهب و المجوهرات  طلعت بيان غريب اغلب المصريين مفهموش منه حاجة بيتكلم عن معدن جديد في مصر من فصيلة الماس لكن عامل قلبان في السوق .. تعالوا نشوف الشعبة قالت إيه الاول.. شوف ياسيدي الشعبة قالت إن الأسواق المصرية بتشهد دلوقتي وصول منافس جديد للماس التقليدي استحوذ علي 60 % من اجمالي مبيعات  الأحجار الماسية بالأسواق العالمية واسمه (اللاب جرون ) وإن مبيعاته عالميا هتوصل ل 59.2 مليار دولار بحلول سنة 2032 بمعدل نمو سنوي مركب 9.6%  و فرص واعدة بالأسواق المحلية .

الشعبة العامة للذهب و المجوهرات  بالاتحاد العام للغرف التجارية قالت كمان إن الاب جرون ده انطلق في السوق المصري وهو عبارة. عن نوع  جديد من المشغولات الدهبية مرصعة بالألماس المعملي يعني الماس اللي مصنع مش طبيعي واسمه الكامل ( الاب جرون دايموند ) واللي بيعتبر   منافس قوي للألماس التقليدي واشتهر استخدامه  في قطاعات الأزياء والمجوهرات وتطبيقات القطاع الصناعي وإن معدن اللاب جرون ده بيتميز  أنها اقتصادي ومستدام وصديق للبيئة.

التفارير أظهرت  استحواذ أمريكا الشمالية على أعلى حصة سوقية من حيث الإيرادات في سوق اللاب جرون في سنة 2022، بنسبة أكبر من تلت  إيرادات سوق اللاب جرون  عالميا و من حيث الانتاج بتعتبر الصين الدولة الأولى من حيث إنتاج وتصدير اللاب جرون في حين من المتوقع أن تصبح الهند مركز رئيسي له في جميع أنحاء العالم.

طيب اللاب جرون ده بيتباع ازاي وهل ليه سوق كبير في مصر؟
شوف حضرتك المنتج الجديد اللي ظهر في الصاغة بيتباع بالقيرط بوزن من 1 إلى 2 قيراط وبيستخدم اساسا في صناعة  خواتم الخطوبة والزفاف، ومتوقع أن يكتسب شعبية في المستقبل زي شعبية الدهب ومحليا أطلقت شركة جوايو  ايجيبت انتاج خط  كامل للمشغولات المرصعة باللاب جرون المعتمدة من منظمة IGI بشهادات اعتماد دولية مطابقة للتي تصدري للألماس الطبيعي من حيث الوزن واللون والقطع والنقاء لتكون الشركة الأولي في استقدام و استخدام  الحجارة الكريمة الجديدة للأسواق المصرية.
طيب اللاب جرين ده ينفع في الاستثمار بدل الدهب ؟
عامة السؤال ده لسه بدري عليه لأن المنتج جديد ولسه الناس مش عارفاه كويس وبالتالي مش هتغامر وتشتريه وتخزينه زي الدهب وهيقولك اللي نعرفه احسن من اللي منعرفهوش لغاية ما المنتج الجديد يثبت نفسه لكن خبراء الصاغة شايفين ان دخول اللاب جرون للأسواق المصرية فرصة كبيرة لشريحة عريضة من المستهلكين لاقتناء قطع من الألماس بسعر منافس ويقل حوالي 60% عن سعر الألماس التقليدي بالرغم من تمتعه بنفس الجودة و النقاء .