ضربة بـ1.2 مليار دولار.. ايه حكاية مشروع ايبرد في مصر

 
مفيش أزمة عملة في مصر وهنستثمر اكتر من مليار دولار في خلال سنة .. دي كانت شهادة بنك أوربي  في حق السوق والاقتصاد المصري.. ياترى ايه هي الاستثمارات الضخمة اللي هيعملها البنك الأوروبي وليه مهتم تحديدا بمشروعات الهيدروجين الاخضر.. تعالوا نشوف إيه الموضوع مع بعض
 
البنك الأوروبي لإعادة الإعمار والتنمية أو  "EBRD" ليه تاريخ طويل في السوق المصرية ومن سنين بيعمل مشروعات مهمة في مصر عشان قرق الأسواق والجغرافيا المصرية من أوروبا وتقريبا البنك بيتسثمر في مصر سنوياً بمليار و200 مليون دولار في السنة واستثمر حوالي 12 مليار دولار في مصر بداية من 2012 لغاية دلوقتى..
طيب ايه الجديد في خطط البنك الأوروبي بالنسبة لمصر؟
شوف حضرتك البنك من ساعات أعلن  المشاركة في مشروع استثماري ضخم جدا لتمويل مشروعات الهيدروجين الأخضر بمصر خلال الشهور الجاية؛ وده اللي قاله خالد حمزة مدير مكتب البنك في مصر.
ليه البنك الأوروبي مهتم بمشروعات الهيدروجين والطاقة المتجددة ؟
لأن ببساطة الطاقة المتجددة ومنها الهيدروجين الاخضر هي استثمارات المستقبل واللي العالم كله دلوقتي رايح ليها  وفي نفس الوقت بيضخ فيها مليارات الدولارات كل سنة ومصر ليها نصيب كبير في الاستثمارات في القطاع ده تحديدا ووقعت اتفاقيات كتيرة للاستثمار في الهيدروجين الاخضر  وسبق زطووقعت الحكومة المصرية 7 اتفاقيات تعاون في مجالي الهيدروجين الأخضر والطاقة المتجددة، بمبلغ 12 مليار دولار قيمة استثمارات المرحلة التجريبية و29 مليار دولار للمرحلة الأولى، فيما يبلغ إجمالي الاستثمارات 40 مليار دولار خلال 10 سنين.

المهم البنك الأوروبي قال إنه بيدرس بقوة الاستثمار في قطاع الطاقة الجديدة والمتجددة لإنتاج الكهرباء بالتعاون مع شركات القطاع الخاص  وأن 96% من استثمارات البنك لتمويل القطاع الخاص ومش كده وبس ده كمان البنك هيعلن قريب عن تعاون جديد مع القطاع الخاص المصري في مجال إنتاج الكهرباء والطاقة خلال مؤتمر للاستثمار بين مصر والاتحاد الأوروبي في شهر يونيو الحالي.
طيب إيه هي مفاجأة البنك الأوروبي التانية؟
شوف حضرتك البنك الأوروبي لإعادة الإعمار أعلن كمان إنه مهتم بالاستثمار والاستحواذ على الشركات وحصص أقلية في بعض البنوك المصرية من الشركات التي لديها قابلية للربحية، ضمن برنامج الطروحات الحكومية واللي البنك مهتم بيه جدا  الفترة الجاية وقا ان 50-60% من استثمارات البنك في مصر السنة الجاية رايحة لتمويل البنوك المصرية لدعم وتعزيز قدرة القطاع الخاص على الإنتاج والنمو وكمان المنافسة.وفيه مفاجأة سارة للجنيه لما كشف البنك إنه بيسعى خلال المرحلة الحالية لزيادة استثماراته في مصر بالعملة المحلية وده بعد استقرار سعر الصرف وتوافر العملة وده طبعا هيقوي الجنيه بشكل كبير ويردله اعتباره.