مصر مع الكبار.. مشروع السيسي اللي قلب الموازين
![الرئيس عبدالفتاح]( /UploadCache/libfiles/5/5/600x338o/681.jpg)
اللي يشتغل يلاقي واللي عاوز يغير الواقع مش محتاج تصريحات ووعود لكن محتاج شغل.. ايه حكاية المشروع المصري اللي قلب شكل البلد والاقتصاد وازاي العالم بيختفي بيه وإزاي مصر دخلت وسط الكبار.. هتعرفوا تفاصيل كتيرة في الفيديو ده
فاكرين أول حاجة بدأ بيها السيسي ولايته الأولي.. ايوا هي الطرق والمحار الجديدة والكباري وفاكرين إزاي اهل الشر كانوا بيتريقو على حجم المشروعات دي وعلى الكباري وعلى تطوير الطرق النهارىى وكل يوم بيثبت إنه أعظم مشروع بنية تحتية في مصر وهو اللي أسس للجمهورية الجديدة ولولاه مكنش حد هيجي يشتغل عندك ويستثمر في بلد نص الطرق بتاعتها مكسرة والباقي مايستوعبش حركة المرور ومين ينسى اشارة روكسي اللي كانت العربيات بتنام فيها بالساعات عشان تعدي وطلع عليها المصريين نكت وحكايات.
طيب ليه بنتكلم عن الطرق والمحارو المروية النهاردة والأنفاق اللي عملها السيسي؟
شوف يافندم مؤشر الطرق ده واللي حضرتك ممكن متخدش بالك منه ده مؤشر مهم جدا للمستثمرين الأجانب والعرب يعني لما ترتيبك العالمي يكون في اخر قايمة الدول من حيث جودة الطرق مفيش حد هيغامر ويجي عندك لكن لما يكون تصنيفك متقدم جدا في جودة الطرق والسلامة والنقل فده إشارة للمستثمرين إن البلد دي فيها بنية تحتية قوية تقدر تستوعب اي استثمارات فمابالك بشبكة طرق حديثة وصلت اجماليها إلى 30 الف كيلو متر اتعملت واتطورت في زمن قياسي وضيف عليها المواني وخطوط التجارة الدولية.
ولو متعرفش فيه تقرير دولي بيظهر كل سنة عن حالة شبكة الطرق في كل دول العالم وبيطلع بيه تصنيف وزي ما قلنا التصنيف ده بينور للمستثمرين والشركات العالمية عن مدى تطور البنية التحتية في كل بلد.
طيب ايه اللي في التقرير ويهم مصر؟
شوف ياسيدي التقريرالدولي الأخير الخاص بحالة وجودة الطرق 2024 صدر وعمل قايمة مستقلة لأفضل شبكات الطرق في 50 دولة وفقاً لمؤشر جودة الطرق العالمي عام 2024، وجت فيه على الترتيب سنغافورة، وهولندا، وسويسرا، واليابان، والإمارات، وكوريا الجنوبية، والبرتغال، ولوكسمبورج، وقطر، وفرنسا، والنمسا، والصين، والدنمارك، وعمان، والسعودية، ونامبيا، وإسبانيا، ومصر، والبحرين، والولايات المتحدة، والسويد، وكرواتيا، وألمانيا، وأستراليا، وإندونيسيا، وماليزيا، وتركيا، وفنلندا، وكندا ودول تانية.
حضرتك شايف ترتيب مصر وصلت فين في مؤشرجودة الطرق في المركز ال18 عالميا وقبل مين . قبل الولايات المتحدة وألمانيا واستراليا وماليزيا وقبل 31 دولة متقدمة ودي معحزة لأن معناها إن مصر قفزة 100 مركز مرة واحدة في جودة الطرق ودا اللي أكده مجلس الوزراء
وضاف عليه إن إجمالي الطرق المستهدف تنفيذها ضمن المشروع القومى للطرق بلغت 7000 كم، تم تنفيذ 6300 كم منها بتكلفة 155 مليار جنيه، مما سيؤدي إلى زيادة أطوال الطرق الرئيسية بنسبة 29.8 بالمائة، لتبلغ 30.5 ألف كم بنهاية عام 2024، مقابل 23.5 ألف كم عام 2014، وإنه تم تطوير ورفع كفاءة 8400 كم من الطرق الرئيسية بتكلفة 110 مليار جنيه من إجمالي 10000 كم مستهدف تطويرها.