لو نفسك في عربية زيرو موديل 2024.. بنك مصر عامل مفاجأة

بتفكر تجيب عربية ومستني الاسعار تنزل اكتر وفي نفس الوقت خايف الفلوس اللي معاك تخلص متشيلش هم فيه بنوك منتظرة قرارك وهيسلموك المفتاح لعربيتك من غير ما هتدفع ولا مليم.. شوف التقرير للاخر وهتعرف التفاصيل

زي ما قلنا فيه أكتر من بنك بيقدم تمويل السيارة منها بنك مصر واللي بيتيح قروض السيارات بشروط ميسرة منها منح القرض بموجب الدخل الافتراضي وبالنسبة للموظفين هيتم صرفه بتعهد جهة العمل بتحويل الراتب أو القسط الشهري. وبالنسبة لأصحاب المهن الحرة وأصحاب الأنشطة التجارية والصناعية فيقدروا ياخدو قرض السيارة بضمان اثبات الدخل. وكمان لأصحاب الأوعية الادخارية للمصريين والأجانب.
وبخصوص الشروط العامة لمنح قرض السيارة من بنك مصر فهي إن يكون الحد الأدنى لعمر المقترض 21 سنة.. والحد الأقصى للقرض 6 مليون جنيه.. وبتوصل
نسبة التمويل إلى 100%. من تمن السيارة وبمدة تمويل تصل إلى 120 شهر.
طيب إيه المستندات الأساسية المطلوبة للحصول على قرض سيارة من بنك مصر..

أول حاجة هتحضرها هي صورة بطاقة الرقم القومي سارية.

وأصل إيصال مرافق على مقر إقامة العميل (غاز-كهرباء – مياه – تليفون

وعرض أسعار معتمد من المعرض

وبالنسبة للموظفين فهيكون مطلوب

شهادة مفردات الراتب الشهري.

وتعهد جهة العمل بتحويل الراتب أو القسط الشهري (في حالة تعهد جهة العمل).

بالنسبة لأصحاب المهن الحرة والأنشطة التجارية والصناعية مطلوب

صورة البطاقة الضريبية.

وصورة ترخيص / تصريح مزاولة المهنة، او للمهن الحرة

وكمان صورة مستخرج رسمي حديث من السجل التجاري.

وكشف حساب بنكي لمدة 6 أشهر.

وبنك مصر بيتيح مميزات اضافية على قرض السيارة منها منح العميل وثيقة تأمين مجانية على الحياة طوال فترة عمر القرض وامكانية ترخيص السيارة باسم طرف تالت من أفراد العائلة وكمان القرض هيكون بدون تامين وحظر بيع على السيارة

من بنك مصر هنروح للبنك الأهلي المصري واللي بيتيح خدمة تمويل شراء السيارات المستعملة وبيقدم القرض بدون ضامن.

ومن مميزات قرض السيارة المستعملة من البنك الأهلي إن التمويل بيوصل لغاية مليون جنيه وعلى فترات سداد مختلفة من سنة لغاية 7 سنين. وتقديم برامج خاصة لموظفي الشركات.

وميزة حد أدنى لصافي الدخل الشهري يبدأ من 1،500 جنيه وكمان البنك بيقدم القرض  بدون مصاريف استعلام ائتماني وبدون مصاريف فتح حساب.