خطة الحكومة للسيطرة على الأسواق في أجازة العيد
![رغيف الخبز]( /UploadCache/libfiles/5/5/600x338o/603.jpg)
المصريين مستنين اعلان التشكيل الوزاري بفارغ الصبر عشان تحديدا وزارة التموين عشان يشوفوا مين هيمسكها لانها اهم وزارة عند الناس لأنها هي الوزارة اللي بتتعامل مع الأسواق والاسعار والدعم والخبز بعد الأزمات اللي فشلت الوزارة بقيادة الدكتور علي المصيلحي في حلها.. ياترى ايه اللي هيحصل في الوزارة الأيام الجاية وايه هي المهمة الأخيرة لمصيلحي في منصبه.. تعالوا نشوف التفاصيل
تقريباً 99.99% من التوقعات بتقول إن الدكتور علي مصيلحي مش مكمل في الوزارة الجديدة اللي بيشكلها حالياً الدكتور مصطفى مدبولي وده بسبب كم التخبط اللي كان في عهد الدكتور المصيلحي وانفلات الأسواق وظهور حالات احتكار من التجار مقدرش يواجهها لدرجة أن فيه ترشيحات واسماء بدأت تظهر في الاعلام عن حليفة المصيلحي..
بردوا كل التوقعات بتقول إن وزارة التموين هتكون بشكل تاني في عهد الوزير الجديد وأنه هيكون فيها هيكلة شاملة في قياداتها وأسلوب العمل بعد حالات الفساد اللي ظهرت فيها في ذروة أزمة الغلاء والسلع واللي هي محل تحقيق دلوقتي أمام الجهات المختصة وكلنا فاكرين اللي حصل مع مستشار الوزير وباقي المتهمين الكبار الللي معاه في قضية استغلال النفوذ والأزمات في التربح وحجب سلع عن الأسواق لرفع سعرها لصالح تجار كبار.
طيب ايه هي المهمة الأخيرة لمصيلحي ؟
شوف ياسيدي رغم أن أيامه في الوزارة قربت لكن وزير التموين والتجارة الداخلية ، علي المصيلحي، أصدر تعليمات لتنظيم عمل الإدارات والمديريات والرقابة على كب الأنشطة التموينية والتجارية خلال إجازة عيد الأضحى وإن الوزارة قررت أخيرا يكون فيه رقابة وإن العمل هيكون بالتناوب خلال فترة العيد للرقابة والمرور على كب الأنشطة من المخابز البلدية والأنشطة التموينية الأخرى والأسواق ومتابعة استقرار الحالة التموينية بدائرة المديرية وضمان توافر اللحوم الحية والمذبوحة وأسعارها بالمجمعات الاستهلاكية والشوادر والأسواق ولتنسيق مع الجهات المعنية في هذا الشأن والتابعة لوزارة الزراعة والوحدات المحلية بالمحافظة.
كمان المصيلحي قرر ينتفض ويصدر كتاب دوري وجه فيه بعمل المخابز البلدية في كل إدارة تموينية والسماح بمنح إجازات لبعض المخابز البلدية بكل منطقة وبما لا يتجاوز 20% من أعداد المخابز البلدية العاملة في كل إدارة تموينية مع مراعاة عدم تأثر المنطقة وتوافر الخبز البلدي المدعم للمواطنين ومتابعة توافر الخبز البلدي في المخابز، تيسيرًا على المواطنين للحصول على احتياجتهم من الخبز بسهولة ويسر وإعلان ذلك بواجهة المخابز بخط واضح وظاهر لجمهور المواطنين والمستهلكين.
مش كده وبس كمان شدد وزير التموين على رجالته بالمتابعة والرقابة على الأسواق والأسعار، ومتابعة صرف السلع الغذائية من خلال شركتي الجملة وبدالين التموين واللي بيتم صرفها شهريًا على البطاقات التموينية والمتابعة والإشراف والرقابة على توافر كلا من أسطوانات البوتجاز بالمستودعات بالكميات والأوزان والأسعار الرسمية المقررة وتشكيل غرفة عمليات رئيسية بالديوان العام للمديرية وغرف فرعية في الإدارات التموينية لمداومة المرور ومتابعة الحالة التموينية، وتلقي شكاوى المواطنين وتقديم تقرير يومي عن أداء الأسواق وحالة الأسعار