صدمة في ملف الأدوية.. وتحرك عاجل من الحكومة

يا ترى إيه اللي بيحصل في سوق الأدوية؟ وهل هيتم تغيير أسعار العلاج كل 6 شهور؟ وايه حجم الأدوية اللى بتنتجها مصر وبتستوداد ايه من بره؟ وليه الصيدليات أوقفت بيع بعض الأصناف ؟ والحكومة هتعمل ايه فى الملف الملعم ده ؟

من كام يوم عدد كبير من شركات الدوية اتقدموا بطلبات رسمية  لزيادة الأسعار نتيجة ارتفاع التكلفة بسبب تحرير سعر صرف الجنيه أمام العملات الأجنبية.

ووفقا للمعلومات المتاحة سمحت هيئة الدواء لشركات الأدوية العاملة بالسوق المحلي بزيادة أسعار عدد كبير من أصناف الأدوية بنسبة تتراوح بين 20الى 25% لأدوية الأمراض المزمنة، وبنسبة تصل إلى 50% لأدوية الفيتامينات والمكملات الغذائية.

وتعد نسبة الزيادة في أسعار الأدوية أقل من اللي سمحت بيها الدولة فى 2017 بعد قرار تحرير سعر الصرف في نوفمبر 2016، ووصل متوسط الزيادة وقتها الى بين 30الى 50%، وتم تطبيقها على أكتر من 3 آلاف صنف دواء مرة واحدة.

وشهد السوق المصري نقص في كتير من أصناف الأدوية خلال الفترة اللى فاتت وصلت إلى نسبة 40%، وفق تصريحات رئيس لجنة الشؤون الصحية بمجلس النواب أشرف حاتم.

وأرجع عدد من مسؤولي شركات الأدوية سبب النقص إلى ارتفاع تكلفة الإنتاج بسبب استيراد المواد الخام للأدوية من الخارج بالدولار اللي زاد سعره بنسبة تفوق 60% بعد قرار تحرير سعر الصرف في 6 مارس وده لأن التسعير الحاللى للأدوية كان على سعر دولار 31 جنيه فى حين ان الدولار حاليا سعره فى البنوك وصل الى اكتر من 47 جنيه

وشكلَت الحكومة لجنة استشارية تتولى مراجعة أسعار الدواء كل 6 شهور في محاولة منها لمراعاة مصالح المواطنين والشركات مع تذبذب سعر صرف الجنيه  أمام العملات الأجنبية من يوم تحرير سعر الصرف فى مارس 2024.

وهتصد  اللجنة توصياتها لهيئة الدواء اللي هتتولى إصدار قرارات الزيادة أو الخفض على نحو دوري حسب أوضاع السوق وعمل اللجنة مش هيقتصر فقط على بحث أسعار الدواء فى ضوء تغير سعر الصرف والمعطيات الاجتماعية، لكن هيمتد كمان للنظر في أسعار الأدوية اللي بيتم توريدها للمستشفيات الحكومية.

وبتقصر الحكومة تسجيل وتسعير وتداول ورقابة سوق المستحضرات والمستلزمات الطبية على "هيئة الدواء المصرية" اللي انتقلت ليها التخصصات دي حصريا من 4 سنين بدلاً من وزارة الصحة والسكان اللى كانت بتتولى المهمة دي وبتستورد مصر حاليا أكتر من 90% من مستلزمات انتاج الأدوية ومع ارتفاع سعر الدولار ارتفعت تكلفة انتاج كل الأصناف تقريبا