مصر تقتحم صناعة عالمية بالمليارات.. شوف إيه الحكاية

 
الشيكولاته واحدة من أهم وأحلي المنتجات اللي كل الناس بتحب تاكلها، واللي عليها اقبال غير طبيعي في شرائها بسبب القيمة الغذائية الموجودة فيها.. بس عمرك عرفت أن مصر بتصدر شيكولاته للدول اللي برا.. ياتري فاتورة تصدير مصر للشيكلولاته بتوصل لكام... ومين ابرز الدول اللي بتستورد شيكولاته من مصر

الشيكولاته معروفة من زمان انها عربون السعادة خصوصا انها فيها مادة السيروتين أو ما يعرف بهرمون السعادة وهي أول واغلي هدية لو عايز تقدمها لحد بتحبه لانها ببساطه مفيش حد مش بيضعف قدامها وكل الناس تيجي لحد الشيكولاته وترضي، واللي عايز تصالح حد عزيز عليك هاته شيكولاته.
في دول حول العالم معروفة بانها الاول علي مستوي العالم في انتاج وتصدير الشيكولاته، وكانت مصر لحد فترة قريبة واحدة من الدول اللي بتستورد منتجات الشيكولاته بمختلف انواعها خصوصا ان عليها اقبال كبير من الناس اللي بتشتريها، لكن مصر مؤخرا دخلت عام التصدير وبدل ما كونا بنستورد بقينا بنصدر.
طيب فاتورة مصر من تصدير الشيكولاته وصلت لكام؟.
عتبر تجارة الشوكولاتة من أكثر الصناعات الغذائية نموًا على مستوى العالم، فهي الصناعة اللذيذة التي تصل قيمتها إلى مليارات الدولارات سنويًا.
هذا فى الوقت الذى كشفت  نشرة التجارة الخارجية لشهر فبراير، الصادرة عن الجهاز المركزى للتعبئة العامة والإحصاء ، عن تراجع صادرات الشيكولاته ومحضرات غذائية أخرى  تحتوى على الكاكاو خلال شهر فبراير 2024 مقارنة بنفس الشهر من العام الماضى
حجم صادرات الشيكولاته خلال شهر فبراير 
صادرات مصر من الشيكولاته وعدد من المواد الغذائية التانية واللي بيدخل فيها الكاكاو كعامل اساسي في التصنيع وصلت لـ9 ملايين و630 ألف دولار في شهر فبراير اللي فات بس، وحاليا مصر وصلت لترتيب كويس في أفريقيا ما بين اكثر الدول في تصدير الشيكولاته بعد نيجريا والكاميرون وساحل العاج وغانا خصوصا ان الدول دي من اكبر الدول اللي بتتنج الكاكاو اللي هو اول عامل اساسي في انتاج الشيكولاته.
مش كده بس، لا ده مصر بتستهدف في الوقت الحالي انها تكون سوق رئيسي في تصدير الشيكولاته لافريقيا ودول منطقة الشرق الأوسط، وحاليا منتجاتنا بتدخل لأكثر من 40 دولة زي أستراليا ودول أفريقيا ودول الشرق الأوسط وأوروبا والسعودية .
وزي ما احنا عارفين، ان الدولة قامت في الفترة اللي فاتت بجهود كبيرة لتشجيع الصادرات المصرية في كل المجالات، وكان مجال انتاج الشيكولاته واحد منهم وده في اطار خطط تحقيق الاستدامة البيئية ودعم ورؤية مصر 2030، واللي استهدفت تطوير خطوط الإنتاج في المصنع، ونقل أحدث وسائل الإنتاج ونظم التعبئة والتغليف واستخدام التكنولوجيا الحديثة لضمان إنتاج منتجات بأعلى جودة .
طيب مصر وصلت لكام لحد دلوقتي كصادرات صناعات غذائية.
في تقرير صدر عن المجلس التصديري للصناعات الغذائية وأكد أن  صادرات الصناعات الغذائية في الربع الأول من عام 2024 وصلت لـ 1.6 مليار دولار، وحققت نسبة نمو 31% بما يعادل 369 مليون دولار مقارنة بصادرات نفس الفترة من 2023 واللي وصلت 1.2 مليار دولار .