معلومة جديدة عن التغيير الوزاري وشخصية جديدة مفاجأة

إيه أخر أخبار التعديل الوزاراي ومين الشخصية السرية اللي جاية وإمتي هيكون التغيير.. كل الأسئلة دي هنجاوب عليها في التقرير ده خليكم معانا للأخر

سكت الكلام عن التغيير الوزاري وفيه ناس كتير افتكرت إن الرئيس هيكمل بحكومة الدكتور مدبولي بعد حلف اليمين في ابريل اللي فات لأن كان فيه توقعات بتقول إن التغيير هيحصل بعد حلف اليمين مباشرة لكن ده محصلش فياترى ايه سر التأخير.. شوف في العادة مفيش حاجة ملحة تستدعي التغيير الفوري للحكومة وده السبب الأساسي في تأخر الاعلان عن تشكيل حكومة جديدة لكن ده مش معناه إن مفيش تغير لكن المعلومات اللي عند بانكبر بتقول إن ملف التغير قائم لكن الظروف الاقتصادية والملفات المفتوحة هي اللي خلت التشكيل يتأخر عن معاده
وكمان الرئيس السيسي قرر ياخد وقته في اختيار كفاءات جديدة تقدر تكمل على الجهد اللي عملته حكومة مدبولي واللي المعلومات بتقول إنه مكمل في منصبه كرئيس حكومة في التشكيل الجديد لأسباب كتيرة أهمها نجاحه في إدارة أصعب الأزمات اللي مرت بيها مصر من ساعة جائحة كورونا لغاية ازمة الدولار الأخيرة وقدرته على التعامل معاها بأفكار مبتكرة وخارج الصندوق بجانب حالة الثبات الكبيرة اللي ساعدت في عبور الأزمة من غير مخاطر أو مغامرات أو قرارات لحظية تسبب اضطراب اقتصادي كبير.
طيب امتى التشكيل.. كل المعلومات بتقول إن الرئيس على وشك ياخد القرار في الوقت المناسب وإنه هيكون خلال أسابيع من دلوقتي ومش هيعدي النص التاني من 2024 غير لما يكون فيه حكومة جديدة هتستلم الملفات الصعبة وان التغير هيشمل ملفات حساسة في القطاعات الاقتصادية والمالية واللي هيشملها التغير في الأساس أكتر من اي حقائب وزارية تانية وإن الأسماء الجديدة من العيار التقيل كل واحد في الملف بتاعه وأفكارهم هيكون ليها تأثير كبير في الوضع الاقتصادي بعد التشكيل.
طيب ايه ومين الشخصية الجديدة اللي هتقلب الموازين في التشكيل الوزاري الجديد .. شوف حضرتك هو اسم كبير وجاي من خلفية بحثية وصناعة القرار وليه خبرة في أغلب الملفات الللي مصر بتعاني منها وإنه هيكون إضافة كبيرة للملف الاقتصادي تحديدا وأول حرف من اسمه «ز» ومش هينفع نقول اسمه بالكامل لكن هنفكركم بيه بعد صدور التشكيل الوزاري وساعتها هتعرفوه كويس أووي. 
من اسرار التغير الوزاري الجاي كمان إنه هيكون في أكتر من تخصص والأسماء الجديدة ليها خبرات دولية كبيرة في مجال المال والأعمال والتعاون الدولي.