الأولي علي العالم وبتصدر بـ20 مليون دولار سنويا.. شوف حكاية قرية بتبس بالمنوفية

مصر من زمان وهيا واحدة من اهم البلاد الزراعية في العالم، واللي كانت في وقت من الأوقات هيا سله غذاء العالم، وكانت اغلب الدول بتعتمد عليها في سدد حاجة سكانها من الغذاء.. لكن عمرك سمعت عن قرية مصرية صغيرة عدد سكانها لا يتعدي 10 الآف نسمة وفي وقتنا ده بتصدر لاغلب دول العالم بالدولار.. وهيا المصدر الرئيسي لاغلب أنواع الفاكهة في الدول دي.. لو عايز تعرف اية الحكاية شوف للاخر.

من زمان واحنا بنتوارث اغلب شغلنا أبا عن جد، وكل واحد فينا بيطلع زي ما لاقي ابوه، ومهنة ابوه في اغلب الأحوال بتكون مهنته وبيشذ عن القاعدة دي نماذج قليلة قوي بيرفضوا الواقع ويكونوا لنفسهم شخصية ومكانة جديد وعالم خاص بيهم.
هنا في قرية بتبس في محافظة المنوفية المنوفية واللي معروفة باسم القرية الخضراء، بسبب أن اهل القرية دي مش بيزرعوا غير شتلات فواكهة وخضروات خضراء.
القرية الصغيرة واللي موجودة في مركز شبين الكوم واللي مساحتها صغيرة وعدد سكانها مش بيتجاوز 10 الآف فرد، واللي مصنفة بانها أول بلد في مصر في تصدير الشتلات لأغلب دول العالم وخصوصا الدول العربية وبعض دول قارة أوروبا، وفي الوقت الحالي بقصد مقصد عشاق الزراعة علشان يشتروا اجود أنواع الشتلات واللي الناس هنا توارثوها عن جد الجد ومن 150 سنة، بس الجديد انهم طوروا نفسهم وبقي عندهم مشاتل هيا الأكبر علي مستوي الجمهورية، ومفيش فيها حد فقير ولا حد عاطل ولا حد بيسافر برا بلده ويتغرب في الدول اللي برا علشان يلاقي شغل لانهم كلهم ببساطه أصحاب أملاك ومشغلين ناس كتير معاهم من مشاتل الزراعة .
القرية الصغيرة واللي ممكن من تعرف عنها حاجة خالص بتصدر شتل فواكهة لدول العالم بـ20 مليون سنويا، لاغلب دول العالم وخصوصا الدول العربية والأفريقية واغلب أطفال القرية دي مش بيتعلموا حاجة غير في مجالات الهندسة الزراعية، اللي ساهمت في تطوير شغلهم الخاص في صناعة وتطوير الشتلات ومع مرور الأيام والسنين، بقت زراعة الشتلات هيا مصدر دخلهم الأساسي والوحيد.
ولما يكون العمل مبني علي أساس علمي اكيد هتكون النتائج مختلفة تماما عن الشغل العشوائي، وده اللي عمله شباب القرية واللي طورا من شغل ابهاتهم في شغل الدراسة وزرعو أنواع جديدة من شتلات الفاكهة وفي فترة قليلة اغلبهم نحج بشكل كبير قوي في منتهم وكمان فتحوا مشاتل لنفسهم بعد ما كانوا بيشتغلوا مع غيرهم في مشاتل برا، وحاليا مفيش فرد واحد في القرية عاطل ومفيش واحد من ولاد القرية بيشتغل بعيد عنها لانهم كلهم شغالين فيها واغلبهم أصحاب أملاك واللي مش عنده الملك عنده شغله الأساسي والثابت خصوصا ان بياخذ راتب استحالة يقدر ياخذه في أي مكان أو وظيفة تانية ده غير أن شغله جنب البيت وموفر وقت السفر والانتقالات في التنقل بين الشغل والبيت .
طيب اية هيا الشتلات اللي بتوفرها القرية لدي وبتصدرها لاغلب دول العالم؟.
قرية بتبس واللي وصل صيتها لأغلب دول العالم، واللي حاليا اول قرية علي مستوي مصر في مجالات التصدير بتتميز بزراعة شتلات الموالح وشتلات الحلويات زي التفاح والخوخ والمانجو والمشمش والبرقوق، ده غير انهم طورا أنسجة النخل البارحي والمجدول واللي كانت مصر تستوره من الخارج وعملوا عليه شوية تجارب وبقي عندهم سلالات خاصة بيهم لها إنتاجية عالية من الإنتاج ومقاومة الحشرات وسوس النخل، وحاليا شغالين علي استنباط سلالات مختلفة من التمور ومش موجودة في أي دولة من دول العالم، وهتكون مصرهيا المصدر الأول لها لكل دول العالم واللي هتكون باب جديد من أبواب التصدير ودخول عملات دورلارية لمصر.