29 مليار دولار هيدخلوا مصر قبل نهاية 2024.. يا ترى هييجوا منين؟
ايه حكاية ال 29 مليار دولار اللى هيدخلوا مصر قبل نهاية 2024 ؟ ويا ترى هييجوا منين ؟ ودورهم هيكون ايه فى حل أزمة نقص العملات الأجنبية؟ وهل هيكون ليهم تأثير على سوق الصرف وسعر الدولار فى البنوك وشركات الصرافة؟
مصر بكل أجهزتها ومؤسساتها شغالة بكل قوة على انهاء أزمة الدولار للأبد والحكومة شغالة فى أكتر من اتجاه لتوفير عملة صعبة .. يعنى مثلا المصادر التقليدية للدولار زي الصادرات وقناة السويس وتحويلات المصريين فى الخارج فيه خطة لتعظيم الموارد اللى بتيجي من القطاعات دي وكمان فيه خطط تانية للبحث عن مصادر جديدة للنقد الأجنبي زي برنامج الطروحات الحكومية وبيع حصص الدولة فى عدد من الشركات
وفى الملف الأول وهو تعظيم عوائد المصادر التقليدية للدولار فيه اهتمام كبير بملف الصادرات ووفقا لأرقام رسمية تم الاعلان عنها بتستهدف 5 مجالس تصديرية تحقيق صادرات مجمّعة بقيمة تُلامس 29 مليار دولار بنهاية 2024، مقابل نحو 25.7 مليار دولار في 2023، بنسبة نمو 13%
وعدّلت المجالس التصديرية الخمسة وهي (مواد البناء، والمنتجات الكيماوية والأسمدة، والصناعات الغذائية، والسلع الهندسية والإلكترونية، والصناعات الطبية)، مُستهدفاتها التصديرية للعام الحالي بعد تحقيق عوائد أعلى من الخطط المعلنة للـ 4 شهور الأولى من العام
وحققت المجالس التصديرية الخمسة صادرات بقيمة 8.9 مليار دولار لحد نمهاية ابريل اللى فات وهي قيمة تعادل نحو 70% من إجمالي عوائد الصادرات المصرية خلال الفترة المذكورة واللي بلغت 12.9 مليار دولاروفقًا لبيانات صادرة عن وزارة التجارة والصناعة المصرية يوم التلات اللى فات.
وفي 2023 استحوذت القطاعات الصناعية الخمسة على 72% من إجمالي صادرات مصر غير البترولية اللي بلغت 35.6 مليار دولار
ورفع المجلس التصديري للصناعات الغذائية مستهدفاته التصديرية السنة دي إلى 6.1 مليار دولار، مقابل 5.6 مليار دولار أعلنها في بداية العام بعد معدلات النمو القوية اللي حققها القطاع خلال الربع الأول من العام الجاري واللي تجاوزت 30%.
وصدّرت مصر، صناعات غذائية بقيمة 5.1 مليار دولار في 2023، مقارنةً بنحو 4.5 مليار دولار في 2022، بنمو 14%، بحسب تقديرات المجلس التصديري للصناعات الغذائية.
كمان عدل المجلس التصديري للصناعات الهندسية ستهدفاته بنهاية العام الجاري إلى تحقيق صادرات بقيمة 5 مليار دولار مقارنة بـ4.8 مليار كانت مستهدفة في بداية العام، و4.3 مليارًا محققة اسنة اللى فاتت.. ورفع المجلس التصديري للصناعات الكيماوية والأسمدة، مستهدفاته لنمو صادرات القطاع خلال العام الجاري من 10 إلى 12% بعد النتائج الإيجابية اللي حققها المجلس خلال أول 4 شهور من 2024.
وحقق قطاع الصناعات الكيماوية والأسمدة نحو 6.5 مليار دولار عوائد تصديرية خلال ا2023 ومن المتوقع ارتفاعها إلى نحو 7.2 مليار دولار في 2024، حال تحقيق معدلات النمو المستهدفة.
طب ايه تأثير زيادة عائدات الصادرات على ملف الدولار؟
طبعا اي زيادة جديدة فى عوائد التصدير بيكون ليها مردود ايجابي قوى على سوق الصرف فى مصر وتوافر الدولار معناه انخفاض جديد فى سعر العملة الامريكية ومعاه هتنخفض اسعار السلع فى الاسواق
