حدث عالمي في مصر.. إيه اللي حصل في غرب المتوسط؟

 
من البحر للدلتا لقلب الصحرا ايه اللي بيحصل في مصر اليومين دول وايه حكاية الحدث العالمي اللي بيحصل في غرب البحر المتوسط عندنا وعلاقته بالدولار والاستيراد وبند من أهم بنود الاقتصاد واللي لو مصر قدرت تجري فيه شكل البلد كله هيتغير .. تعالى نشوف إيه الحكاية من أولها 
 
امبارح وهنا في بانكير قلنا خبر سريع كده لكن وراه تفاصيل كتير جدا لكن في نفس الوقت بيمثل عبء كبير جدا على الحكومة والموازنة والدولار لما قلنا إن مصر استوردت  شحنات وقود بقيمة 4.3 مليار دولار خلال الثلث الأول من العام الحالي يعني خلال 3 شهور بس مقابل 4.1 مليار دولار خلال ذات الفترة من 2023 يعني الاستيراد زاد حوالي 200 مليون دولار في وقت مصر بتخرج من أخطر أزمة عملة في تاريخها.. طيب إيه علاقة الوقود بموضوعنا النهاردة..
الحكاية إن قطاع الوقود بمختلف أنواعه سواء بترول أو سولار أو بنزين أو بوتاجاز أو غاز طبيعي مصر بتستهلك كميات ضخمة منه كل سنة وعلى حسب المعدل ده البلد بتستورد بحوالي 17 مليار دولار وقود في السنة  واكيد دي فاتورة ضخمة ودا غير الإنتاج المحلي من الوقود وعشان كده مصر نشطت بشكل كبير جدا في التنقيب عن الوقود سواء بترول أو غاز طبيعي.
ومن ساعات مسؤول بالهيئة المصرية العامة للبترول قال  أن شحنات الوقود المستوردة خلال أبريل اللي فات بس بلغت  مليار دولار، مقابل 980 مليون دولار في الشهر المماثل من العام الماضي..  لكن الخبر السار إن وزارة البترول دلوقتي بتستعد لحفر أول بئر استكشافية عميقة بغرب البحر المتوسط من خلال شركة أكسون موبيل لحفر البئر الاستكشافي الأول نفرتاري، واللي بتعتبر البئر الأولى في المياه العميقة بمنطقة غرب البحر المتوسط، وفقا لوزير البترول والثروة المعدنية طارق الملا في بيان رسمي واللي أضاف كمان إن الحفر بيتم بعد إجراء العديد من الدراسات الجيولوجية والجيوفيزيقية في المنطقة وبعد قيام إكسون موبيل بتنفيذ برنامج مسح سيزمي ثلاثي الأبعاد لنحو 3300 كيلو متر مربع، وإجراء معالجة البيانات والتفسيرات السيزمية، ومن المخطط أن يتم حفر البئر في مياه عمقها نحو 1727 متراً.
وتضمنت التجربة تنفيذ فرق العمل لأعمال فرد الحواجز المطاطية لحماية الشواطئ السياحية والمناطق والمنشآت الاستراتيجية بمدينة العلمين الجديدة وإنزال الحواجز البحرية المطاطية للمياه لاحتواء التلوث واسترجاعه باستخدام الكواشط وطلمبات السحب إلى التنكات العائمة ونقلها لمرافق معالجة المياه الزيتية بميناء الحمراء.
لغاية هنا خلص بيان وزارة البترول لكن لسه الحكاية مستمرة لأن معنى أن مصر تبدأ التنقيب العميق على البترول والغاز في المياه العميقة دا في حد ذاته تطور كبير ونقلة نوعية في نوعية التنقيب والوزارة بتعول على البئر العميقة لاكتشاف كميات كبيرة من البترول والغاز خاصة أن المنطقة دي مبشرة ولو حصل وطلع فيها البترول خريطه الطاقة في مصر هتتغير وبالتالي توفير مليارات الدولارات اللي بتروح في الاستيراد كل سنة