كنز دولارات جديد لمصر.. البلد هتروح في حتة تانية خالص.. اقرا التقرير دة وهتعرف إزاي؟

عمرك فكرك أن مصر هتكون أول دولة في العالم تنتج الهيدروجين الأخضر الارخص في العالم خصوصا ان الهيدروجين الاخضر عليه طلب عالمي كبير جدا وهو المستقبل في الايام اللي جاية.. يا تري اية اللي بتعمله مصر في موضوع الهيدروجين الاخضر... مصر مستهدفة كام من الاستثمارات دي
 

الفترة الرئاسية الجديدة مصر بتحاول انها توسع المشروعات الاستثمارية اللي هتفتح باب جديد للدخل الدولاري لمصر من الخارج، وواحد من المشروعات دي هو إنتاج الهيدروجين الأخضر وتصديره للخارج، ومصر بتستهدف إنتاج 8% من إجمالى المنتج عالميا.
المناطق اللي الحكومة مستهدفة دخولها في خطة استثمارات الهيدروجين الاخضر هيا خليج السويس وتحديدا في منطقتى خليج السويس والزعفرانة واللي بعيتبروا من اكثر الأماكن اللي بتساهم فى إنتاج كميات كبيرة من الهيدروجين الأخضر بسبب اعتمادهم علي الطاقة الجديدة والمتجددة من الشمس والرياح بعد تخصيص 90 ألف كيلو مربع لإنشاء محطات شمس ورياح بهذه المنطقة.
طيب اية اللي عملته مصر علشان تكون واحدة من اهم الدول المنتجة للهيدروجين الاخضر؟
حرص الدولة المصرية علي النهوض بالاستثمار وإنتاج الهيدروجين الاخضر بدأ بإصدار القواعد والقوانين المحفزة للاستثمار في مجال إنتاج الهيدروجين الاخضر خصوصا أن النوع ده من الوقود هيكون له استخدامات كبيرة جدا في السنين اللي جاية.
الدولة المصرية واصلت جهودها للنهوص بمشروعات انتاج الهيدروجين الاخضر بتخصيص 90 ألف كيلو متر مربع لإنشاء محطات متجددة من الشمس والرياح بخليج السويس وده كان واحد من أهم القرارات اللي هتساهم في تشجيع المستثمرين خصوصا أن مصر بتتمتع بإمكانيات لا تقارن بأى دولة أخرى هتجعلها أكثرها قدرة على التوسع في مشروعات الهيدروجين الاخضر، وتم تقسيم المساحات اللي خصصتها الدولة في الزعفرانة وجبل الزيت لإنشاء محطات رياح بقدرة 4500 ميجا وات بجبل الزيت و 11 الف ميجا وات محطات طاقة شمسية لإنتاج الهيدروجين الاخضر.
طيب اشمعني مصر بتسعي لزيادة انتاجها من الهيدروجين الاخضر في الوقت الحالي؟.
اهتمام الدولة بالتوسع في مشروعات الهيدروجين الاهضر قايم علي زيادة الطلب عليه، وحاليا مصر بتستعد لطرح الهيدروجين الاخضر في السوق الدولية، خصوصا ان النوع ده من الاستمثار هيكون واحد من الطرق اللي مصر شغالة عليها للحد من الانبعاثات الكربونية من القطاعات الصناعية ده غير زيادة أمن الطاقة في مصر وتقليل الاعتماد على الواردات البترولية .
جهود الدولة للاستثمار في مشروعات الهيدروجين الاخضر مقفش علي تخصيص الارض، لا كمان الحكومة خصصت 30 مليار دولار لعمل توسعات بالشبكة الكهربائية استعدادا لدمج القدرات المتوقع إضافتها في السنوات اللي جاية من مشروعات الطاقة الجديدة والمتجددة وده فى إطار خطة الدولة لزيادة نسبة مشاركة الطاقات المتجددة لـ42% بحلول 2030 وخفض نسبة الاعتماد على الغاز الطبيعي فى إنتاج الكهرباء.
خطة الدولة لانتاج الهيدروجين الاخضر قائمة بتستهدف كمان التوسع في إنشاء محطات لإنتاج الكهرباء والهيدروجين الاخضر من الطاقة المتجددة سواء من الشمس أو الرياح بقدرات هتوصل لـ126 الف ميجا وات على الشبكة القومية للكهرباء خلال السنوات المقبلة.
الاستثمارات اللي خصصتها الدولة لمشروعات الهيدروجين الاخضر هتوصل لـ85 مليار  دولار، ومصر بتستهدف إنتاج  الهيدروجين الاخضر بمعدلات هتوصل لمليون و 500 الف طن سنويا بحلول عام 2030 بالأعتماد على 19 ألف ميجا وات من الطاقة المولدة من مشروعات الطاقة الشمسية والرياح، ومستهدفهم زيادتهم لـ 5 مليون و 800 ألف طن سنويا بحلول 2040 بما يمثل 5% من سوق انتاج الهيدروجين الاخضر عالمياً، وبكده مصر هتكون الأعلى انتاجا للهيدروجين الأخضر بالعالم.

ومن المتوقع أن تنتج مصر باكورة مشروعات الهيدروجين الاخضر من خلال غاز الماثينول الأخضر لأول مرة بحلول عام 2026 من داخل الهيئة الاقتصادية لقناة السويس والذى سيتم استخدامه في التصدير للخارج، بالإضافة إلى إتاحته للسفن التي تمر بقناة السويس.