منظومة جديدة لمنع التلاعب في السلع.. هل الحكومة هتقطع السلع علي بطاقات التموين

التموين واحد من الخدمات المهمة اللي بتقدمها الدولة المصرية للمواطنين واللي لو حصل فيها اي تغيير او تعديل هتحصل معاها ازمة كبيرة، وحاليا الدولة هتبدأ تطبيق منظومة جديدة لصرف السلع بنظام الكتروني.. يا تري اية تفاصيل المنظومة دي.. وازاي المواطن هيصرف السلع منها

الدعم الحكومي للسلع التموينة وخصوصا رغيف الخبز واحد من اهم ثوابت الميزانية العامة للدولة المصرية واللي الجمهورية الجديدة علي الرغم من كل الظروف والأحداث اللي مرت بيها الا انه في كل مرة كانت بتزوده ده غير برامج الحماية الأجتماعية اللي اقرتها القيادة السياسية في اكثر من مناسبة لزيادة رواتب العاملين بالجهاز الاداري للدولة، وحماية الفئات الأكثر احتياجا.
في خلال السنوات اللي فاتت منظومة صرف السلع التموينية اثبتت فشلها خصوصا بعد القضايا الكتيرة اللي الجهات الرقابية في الدولة ضبطتها وخصوصا ان بيكون فيها مسئولين اساسيين من وزارة التموين واللي بيكونوا السبب الاساسي في عمليات التلاعب، وعلشان كده الدولة حاليا بصدد تطبيق منظومة جديدة للتموين لصرف السلع إلكترونيًا .
طيب اية هيا تفاصيل المنظومة الجديدة لصرف السلع الكترونيا؟.
الدولة اعلنت عن بدء تطبيق المنظومة الجديدة لصرف السلع التموينية الكترونيا اعتبارا من تموين شهر يونيو القادم، وهتكون البداية في 8 محافظات وهما الإسكندرية والقليوبية ودمياط والمنوفية وقنا والبحر الأحمر والمنيا والوادي الجديد، والهدف الاساسي من المنظومة الجديدة هو الربط بين منظومة صرف السلع التموينية ومنظومة مراقبة المخزون من خلال سيستم إلكتروني بيتحكم في كمية صرف السلع لمنفذ البقال للحفاظ على السلع المدعمة ووصولها لمستحقيها والدولة تضمن ان مفيش اي كمية خرجت برا بطاقات التموين او من خلال التلاعب في السيستم .
مع تطبيق المنظومة الجديدة لصرف السلع الكترونيا مفيش بقال هيقدر يصرف أزيد من الحصة التموينية المخصصة له من قائمة السلع التموينية واللي هتكون بواقع 4 أضعاف التأمين وبحد أقصى 8 مرات صرف سلع، والوزارة عممت تعليمات علي جميع التجار التموينيين وأصحاب منافذ مشروع جمعيتي بالتعليمات الجديدة لصرف سلع الزيت والسكر والمكرونة واللي هتكون وفق لمبلغ التأمين لكل منفذ، وهتوصل حصة الزيت المستحق صرفها لمنفذ التموين بقيمة 55% من قيمة مبلغ التأمين، وحصة السكر المستحق صرفه لمنفذ التموين هتساوي 25% من قيمة مبلغ التأمين، وحصة المكرونة المستحق صرفها لمنفذ التموين هتساوي 15% من قيمة مبلغ التأمين، واخيرا حصة السلع التانية من السلع اللي بتوفرها الوزارة هتساوي 5% من قيمة مبلغ التأمين.

طيب نصيب الفرد مع تطبيق منظومة التموين الجديدة هيوصل لكام؟.
الدكتور علي المصيلحي، وزير التموين، أكد أنه مع تطبيق منظومة صرف السلع التموينية الجديدة كل مواطن هيحصل علي حقه في التموين بشكل كامل ومش هيحصل اي تأثير علي حصة الفرد في التموين من السلع المدعمة وأن هيكون الصرف بمعدل أزازة زيت واحدة بحد أقصى 4 زجاجات لبطاقة التموين،  وكيس سكر واحد بحد أقصى 6 أكياس سكر على البطاقة برضوا