رعب فى الصاغة.. كواليس الأيام الصعبة لسوق الدهب.. وحدث مرتقب هيقلب الأوضاع

يا ترى ايه اللى بيحصل فى سوق الصاغة ؟ وليه أسعار الدهب قفزت بشكل مفاجيء فى الساعات الأخيرة؟ وايه الحدث المرتقب اللى هيقلب الأوضاع في الأسواق؟ وايه علاقة اللى بيحصل فى سوق الدهب بوفاة الرئيس الايراني؟

فى الساعات الأخيرة ارتفعت أسعار الدهب إلى أعلى مستوياتها على الإطلاق مدعومة بتباطؤ التضخم في الولايات المتحدة وزيادة التوقعات بان مجلس الاحتياطي الفيدرالي ممكن ينفذ ال  خفض لأسعار الفايدة فى وقت قريب للغاية

وصعدت اسعار الدهب في المعاملات الفورية إلى 2448 دولار للأونصة وارتفعت العقود الأمريكية الآجلة للدهب إلى 2453 دولار.

وفى مصر حافظت أسعار الدهب  على ارتفاعها الكبير بجميع الأعيرة وصعد سعر الجنيه الدهب بنحو 160 جنيه كما ارتفع سعر جرام الذهب بأكتر من 50 جنيه وفقًا لآخر تحديث لشعبة الذهب والمجوهرات.

ووفقا لأمير رزق خبير المشغولات الذهبية ففيه توقعات بارتفاع تاريخي جديد في أسعار الدهب خلال الساعات الجاية تزامنا مع مقتل الرئيس الايراني مع وزير خارجيته فى حادث تحطم طائرة كان يستقلها فى أحد محافظات ايران.

رزق قال ان مقتل الرئيس الايراني حدث تاريخي هيتبعه توتر سياسي فى المنطقة وده هيزود من مخواف المستثمرين وهيخلى فيه اقبال كبير على الدهب الأيام الجاية

طب هل الدهب كده هيرفع فى مصر؟

فى اليام اللى فاتت السوق المحلي للدهب ما شهدش ارتفاع كبير فى الاسعار زي ما حصل في البورصات العالمية، نظرا لتحسن أداء الجنيه أمام الدولار لكن مع استمرار ارتفاع الدهب عالميا فده هيكون ليه تأثير قوى على اسعار الدهب فى مصر خصوصا ان فيه توقعات قوية ان سعر الدهب عالميا يتخطى 4000 دولار للأونصة في نهاية 2024 او منتصف 2025 على اقصى تقدير ومعنى ان الدهب يوصل الى 4 الاف دولار فده هيخلى سعر الدهب ممكن يوصل الى 4 الاف جنيه للجرام عيار 21

وايه الحدث المرتقب اللى ممكن يقلب الوضاع فى سوق الدهب؟

اللى متابع كويس اللى بيحصل فى سوق الدهب عالميا هيعرف ان تجار الدهب مستنين يعرفوا امتى تحديدا ممكن الفيدرالى الامريكي يبدأ خفض اسعار الفايدة وده لأن تخفيض الفايدة معناه مكاسب كبيرة للدهب ومعظم التوقعات بتقول ان الفيدرالى ممكن ينفذ اول تخفيض للفايدة فى شهر سبتمبر وده هو الحدث المرتقب بالنسبة لكتير من السواق حول العالم لأن اللى هيحصل بعده مختلف تماما عن اللى كان قبله