مفاجأة الخميس.. المركزي يستعد لخطوة هامة وبنك أمريكي يزف بشرى سارة

يا ترى ايه اللي هيحصل في اجتماع لجنة السياسة النقدية يوم الخميس الجاي؟وهل البنك المركزي ممكن يفجر مفاجأة بخصوص أسعار الفايدة ؟ وايه البشرى السارة اللي توقعها بنك أمريكي شهير عن اجتماع مايو؟

خلاص كلها ايام وهتعقد لجنة السياسة النقدية في البنك المركزي تالت اجتماعاتها في ٢٠٢٤ للنظر في أسعار الفايدة وحسم مصير التضخم في مصر وسط توقعات معظمها بيقول ان المركزي هيبقى على سعر الإيداع والاقراض زي ما هو بعد رفع أسعار الفايدة ٦٠٠ نقطة أساس في الاجتماع الاستثنائي للجنة  السياسة النقدية في ٦ مارس اللي فات.

ورغم التوقعات القوية بالابقاء على سعر الفايدة زي ما هو عند 27.25%، الا ان بنك الاستثمار الأمريكي "جولدمان ساكس" فجر مفاجاة من العيار الثقيل وبيتوقع ان المركزي المصر هييخفض أسعار الفايدة 150 نقطة أساس لتصل  إلى 25.75%

وهتجتمع لجنة السياسة النقدية في البنك المركزي يوم الخميس 23 مايو للنظر في أسعار الفائدة الرئيسية بعد ما تتم تأجيل اجتماعها اللى فات بسبب الاجتماع الاستثنائي اللى تضمن قرارات تاريخية زي تحرير سعر صرف الجنيه مقابل العملات الأجنبية وكمان رفع الفايدة 6%

جولدمان ساكس قال في مذكرة بحثية إنه شايف عدد من المبررات لخفض أسعار الفايدة الرئيسية في المدى القريب وذلك عقب دورة رفع للأسعار نتجت عن تشديد تراكمي للسياسة النقدية بواقع 19 نقطة مئوية في الفترة بين فبراير 2022 ومارس2024، وكمان سلسلة من التطورات الاقتصادية المؤثرة زي صفقة رأس الحكمة البالغ قيمتها 35 مليار دولار مع الإمارات، وتحرير سعر الصرف، وإبرام اتفاق معزز مع صندوق النقد الدولي

وحسب تقديرات البنك المريكي فأسعار الفائدة الحقيقية في الوقت الحالي أصبحت فوق المستوى المحايد بكتير فى وقت بتتوقع معظم المؤسسات انخفاض التضخم بقوة فى مصر خلال الشهور القليلة القادمة.

طب ايه اللى هيحصل بعد اجتماع البنك المركزي ؟

لو حصل تخفيض في سعر الفايدة وده ستبعد بنسبة كبيرة فده معناه حركة أكبر فى الأسواق ومتنفس جديد بعد زيادة اسعار الفايدة بمعدلات كبيرة اوى الفترة اللى فاتت وكمان ده هيكون ليه تاثيؤ على اسواق مهمة زي الدهب والدولار والأجهزة المنزلية وكمان اسعار السلع الأساسية ام لو تم تثبيت سعر الفايدة فهيبقا الحال على ما هو عليه لحين اشعار اخر