لغز ركود سوق السيارات.. مفاجأة في الطريق السبب
![ركود السيارات]( /UploadCache/libfiles/5/4/600x338o/849.jpg)
هو ياترى ليه سوق العربيات الزيرو والمستعمل مرجعش زي أسعار قبل 2023 وبعد ما أزمة الدولار اتحلت وبدأت ترجع عجلة الاستيراد.. وايه اللي بيحصل تحديدا في سوق السيارات المستعمل وايه المفاجأة اللي التجار والمشترين مستنينها وسببت حالة الركود دلوقتي.. خلونا نشوف الفيديو ده مع بعض وهنعرف التفاصيل.
طبعا اللي حصل قبل كده في سوق السيارات كلنا عارفينه وشفنا تقريبا حركة السوق كلها وقفت بعد توقف الاستيراد وققزات الدولار في السوق السودا وقتها وشفنا بردو الأسعار الخيالية للسيارات وقتها واللي قفزت 500% وبقت للعرض فقط لكن بعد صفقة رأس الحكمة واللي حصل بعدها من تعويم واختفاء السوق السودا وتوقف المضاربة على الدولار واستقرار سعر العملة الأمريكية والانفراجة في كل الاسواق بدأت الأمور تستقر وبعدها بدأت الأسعار تنزل بشكل نسبي وشفتا التخفيضات في أسعار السيارات بعد صفقة رأس الحكمة واللي وصلت إلى 500 ألف جنيه في الزيرو ومن 250 الي 500 ألف جنيه في المستعمل وبنسب من 28 الى 35% من ساعة قرار تعويم الجنيه .
طيب ليه احنا مركزين على أسعار السيارات في سوق المستعمل.. عشان هي السيارات اللي تناسب اغلب فئات المواطنين دلوقتي ولأنه كمان سوق ومفتوح ومصدر رزق لتجار كتير ومواطنين كتير ولأن الإقبال عليه في مصر ضخم على عكس الزيرو واللي لسه سعره منزلش للمستوى المطلوب رغم استقرار سعر الدولار والتخفيضات الأخيرة في أسعار السيارات وده لان لسه فيه حالة ركود في السوق لأن كل الناس ومعاهم التجار طبعا منتظرين تخفيضات جديده في الدولار بعد الاخبار السارة والتدفقات الدولارية الكبيرة اللي حصلت في الفترة الجاية وتوقعات انخفاض الدولار لأقل من 45 جنيه في الأيام الجاية حسب توقعات المؤسسات المالية العالمية والمحلية واكيد اي تاجر شاطر هيفكر يصبر شوية قبل ما يشتري أو يستورد سيارات زيرو هو عارف إن سعرها هينزل وهيخسر فيها كمان المشتري بقي متابع جيد للاخبار الاقتصادية وعارف اللي بيحصل في سوق السيارات وبالتالي هيستنى هو كمان عشان يشتري بالرخيص.
واكيد وحسب عرف السوق الزيرو لما ينزل بيقابله انخفاض كبير جدا في أسعار السيارات المستعمله وهنا بقي هتحصل انتعاشة كبيرة في عملية البيع والشراء والناس هتشوف حركة كبيرة في زيادة المعروض من الموديلات المختلفة وتنوع الأسعار لأن ناس كتير هتحب تشتري زيرو فهتفكر تبيع عربياتها ف سوق المستعمل عشان تجيب سيارة جديد... يعني ببساطة كده حالو الركود الي في سوق العربيات زيرو ومستعمل هي انتظار تخفيضات جديده في سعر الدولار هي اللي يتحدد مسار الأسعار في أسواق السيارات الفترة الجاية وإن زمن قفزات الأسعار انتهي طبعا وكل اللي جاي تخفيضات حسب زيادة المعروض وحركة الاستيراد وتنوع الموديلات ه كله مرتبط بسعر الدولار.