بعد الدهب والدولار.. ضربة جديد لأباطرة السوق والمحتكرين

فى الفترة الأخيرة أجهزة الدولة بتتعامل بقوة وحسم مع اباطرة وحيتان الأسواق اللى بيستغلوا الظروف الصعبة اللى بتمر بيها ابلد وبيتلاعبوا باسعار السلع وبيحققوا ثروات ضخمة حتى لو على حساب الناس .. ومن القطاعات اللى الدولة حطت ايدها فيها بقوة قطاع الأجهزة المنزلية اللى حصل فيه انفلات كبير فى الاسعار الفترة اللى فاتت .. فيا ترى ايه الى بيحصل فى سوق الأجهزة المنزلية؟ وليه الحكومة أعلنت عن ضربة قوية لل 8 الكبار فى السوق؟ وايه تاثير ده على اسعار الاجهزة المنزلية الفترة الجاية؟

في ضربة جديدة لمنع الاحتكار ومواجهة مافيا السوق السودا والتلاعب بأسعار السلع الأساسية والاستراتيجية أعلنت الأجهزة الرقابية ملاحقة 8 من كبار حيتان سوق الأجهزة الكهربائية والمنزلية من الشركات المنتجة والموردة للأجهزة المنزلية والكهربائية وعدد من تجار التجزئة المنظمين والمستقلين.

ووفقا للمعلومات اللى تم الكشف عنها فالتجار ال 8 اتفقوا على تحديد حد أدنى أو ثابت لسعر إعادة البيع للمستهلكين بالإضافة إلى عقد اتفاقات بينهم وبين بعض من شأنها توحيد أسعار التجار المنافسين كأحد الشروط لتوحيد الأسعار في سوق تجارة التجزئة.

واتضح من عمليات البحث والتقصي وجمع الاستدلالات اللى شملت مراجعة ما يزيد على 10 آلاف عقد من العقود بين الشركات المنتجة والتجار على مستوى محافظات الجمهورية، وجود اتفاقات رأسية بين الشركات المنتجة والموردة وبين التجار المتعاملينعلى تحديد حد أدنى لسعر إعادة البيع إضافة إلى بنود تانية من شأنها توحيد الأسعار مش بس بين الموزعين لكن بين الموزعين ومنافذ بيع المورد ذاته،

ووفقل للقانون قاللى بيحصل ده  مخالفة صريحة لأحكام المادة (7) من قانون حماية المنافسة اللي بتنص على أنه "يحظر الاتفاق أو التعاقد بين الشخص وأي من مورديه أو من عملائه إذا كان من شأنه الحد من المنافسة.

وطبعا النوع ده من الممارسات ممكن يمنع تجار التجزئة الأكثر كفاءة من دخول السوق أو التوسع فيه، بسبب عدم تمكنهم من المنافسة على الأسعار خصوصا أن الشركات المنتجة أو الموردة بتفرض عقوبات أو تهدد بفرضها على التجار في حالة عدم الالتزام بالحد الأدنى لسعر إعادة البيع اللي تم تحديده وبالفعل  تم تهديد التجار الصغار بوقف التعامل وعدم إمدادهم بحصتهم من الأجهزة المتعاقد عليها وده طبعا ممكن يؤدي إلى خروجهم من سوق بيع الأجهزة الكهربائية والمنزلية.

الضربات لاموجعة لتجار الأجهزة المنزلية بتأتى بعد ايام من ضربات قوية جدا تمت مع اباطرة الدهب والدولار وكمان مؤخرا مع سماسرة قطاع الدواجن فى مصر

وشنت الجهزة الرقابية حملات سابقة ومكثفة في عدة محافظات ضد مافيا الأعلاف الحيوانية اللى بيحجبوا مئات الأطنان من الأعلاف عن المربين للماشية ومزارع الدواجن من أجل رفع أسعارها وتحقيق أرباح مالية كبيرة وده أدى لوصول سكر كيلو اللحم لأكثر من 400 جنيه، وسعر كيلو الدواجن لأكثر من 110 جنيه.