وثيقة تكشف مفاجأة من العيار التقيل.. إيه اللي عملته الحكومة في السر

ايه حكاية الوثيقة السرية اللي كشفت المستور في خطط الحكومة وإيه قصة المخزون الضخم من البترول في مصر وإزاي الدولة نفذت أكبر عملية لإنقاذ البلد في السر بتوجيهات من الرئيس.. تعالوا نشوف إيه الحكاية

كلنا فاكرين طبعا توجيهات الرءيس السيسي برفع السقف الزمني لمخزون السلع الاستراتيجية باستمرار يعني الدولة بيكون عندها مخزون مثلا قمح أو سكر يكفي 4 شهور وبعد توجيهات الرئيس الحكومة هتزوده لمدة 8 شهور أو سنة مثلا ودا بيدي أمان أكتر للدولة والأسواق لو حصلت أي أزمات اقتصادية دولية والمخزون السلعي وسيلة من وسائل حفظ الأمن القومي الاقتصادي والاجتماعي والحقيقة الاحتياطي السلعي كان ليه أهمية كبيرة جدا في الأزمات اللي مرت بيها مصر بعد 2011 ولولاه كانت حصلت كوارث كبيرة.
طيب ايه علاقة مخزن السلع الاستراتيجية بموضوعنا في الفيديو ده.. شوف ياسيدي في الساعات اللي فاتت نشرت وسائل إعلام ذات مصداقية عالية وثيقة حكومية بتقول إن الهيئة المصرية العامة للبترول عملت خطة لتكوين مخزون استراتيجي من النفط أو البترول الخام خلال السنة اللي فاتت ووصل قيمته 76.18 مليار جنيه.

وحسب مصادر مقربة من الهيئة الحكومة المصرية لجأت لجمع مخزون من السلع الاستراتيجية بمختلف أنواعها، والبترول من أهم السلع المهمة اللي تم التوسع في شراء الزيت الخام وتكريره في مصر توفيرا للنفقات وإن السياسة دي مستمرة في السنين الجاية، وحسب الوثيقة مصر بتستهدف إنه يكون عندها مخزون استراتيجي من البترول الخام لحماية اقتصادها من التلقلبات السعرية للبترول في الأسواق العالمية خاصة بعد الحرب الروسية الأوكرانية نهاية فبراير 2022 وبعد تجاوز البترول مستوى 90 دولارا للبرميل ا.
الوثيقة كشفت كمان إن الإجراءات اللي خدتها الحكومة في موضوع المخزون الاستراتيجي بعد تكليفات من رئيس الجمهورية لإعداد خطة لملء السعات التخزينية للزيت الخام ضمن المشروع القومي لتكوين مخزون استراتيجي من الزيت الخام، وحسب نفس الوثيقة وزارة المالية قدرت توفر السيولة النقدية اللازمة لتكوين مخزون البترول، في وقت صعب جدا لأن البترول بيتم استيراده بالدولار طبعا وخلي بالك التخزين اللي حصل للبترول بالرقم الضخم دا كان في سنة الأزمة الكبيرة للدولة اللي هي السنة اللي فاتت 2023 ورغم كده الدولة عملت معجزة في قصة توفير المخزون الاستراتيجي من كل السلع ومصر قدرت تحمي أمنها الغذائي والسلعي القومي ودي فايدة إن يكون عندك حكومة قوية بتعرف تدير أزمة كبيرة في ظروف استثنائية.