مشروع هيخلي مصر في حتة تانية خالص.. إيه اللي بيحصل في صعيد مصر؟

فى الفترة الاخيرة فى اهتمام واضح من القيادة السياسية بملف التصنيع فى مصر والدولة حاليا عندها اهتمام كبير بتوطين كتير من الصناعات وافتتاح مجمعات صناعية جديدة.. وفى الشهور اللى فاتت كان بيتم الاعداد لواحد من أكبر المشروعات اللى هتخلى مصر تروح في حتة تانية خالص.. فيا ترى ايه تفاصيل المشروع الضخم ده ؟ وايه المصانع الجديدة اللى هيتم افتتاحها؟ وايه علاقة محافظات الصعيد بالموضوع؟

مصر بتتحرك مصر بخطى ثابتة لإطلاق سلسلة من المشروعات القومية الضخمة اللي هدفها النهوض بالاقتصاد وتوفير فرص عمل جديدة للشباب.. وبيستحوذ صعيد مصر اللي فضل بعيد عن عملية التنمية لسنوات  طويلة على اهتمام كبير فى خطة الدولة

طب ايه الجديد فى الملف ده؟

فيه مشروع كبير وضخم الدولة بتحط اللمسات الأخيرة فيه وهو مشروع المثلث الذهبي اللى بيعتبر  واحد من بين عدد من المشروعات اللي بتحاول الدولة انجاها حاليا ويعتبر من أهم المشروعات القومية وأحد أهم المشروعات التنموية اللى  هتعتمد على الثروات المعدنية في جنوب مصر.

وتحقيقا للرؤية دي  قررت الحكومة إنشاء مجلس الاستثمار والصناعة والتصدير "المثلث الذهبي" تحت رعاية رئيس مجلس الوزراء الدكتور مصطفى مدبولي وعدد من الوزراء ورئيس جمعية رجال الأعمال المشتركة ومجموعات الأعمال والصناعة والمستثمرين.

كشف محمد أبو الغيط، نائب رئيس الهيئة العامة للمنطقة الاقتصادية للمثلث الذهبي في جنوب مصر، عن

وحاليا فيه لجنة حكومبة بتدرس طرح المناطق الصناعية في المثلث على المطورين الصناعيين اللى هيتولو تقسيمه إلى وحدات إنتاجية مختلفة وتطويرها وفق مخططات تفصيلية.

وبتبلغ المساحة الإجمالية للمنطقة الاقتصادية للمثلث الذهبي 2.2 مليون فدان على شكل مثلث على ساحل البحر الأحمر بيربط بين مدينة القصير وسفاجا في القاعدة ومحافظة قنا في القمة.. ومن المتوقع يتم الانتهاء من المخطط الرئيسي للمنطقة، بما فيها المناطق الفرعية خلال فترة وجيز جدا وبعدها هيبدأ الترويج والتسويق ليها

وبدأت الحكومة في تلقي طلبات الاستثمار في المنطقة وجار حاليا عملية تسعير الأراضي والإعلان عن طرحها المرتقب.

وبتسعى الحكومة إلى تعميق القطاع الصناعي في الاقتصاد من خلال طرح الأراضي الصناعية في إطار مخططات مختلفة بما فيها التملك والامتيازات وتحديد الأسعار على أساس تكلفة التطوير للمتر المربع الواحد.

وفى الاطار ده تم اتخاذ  خطوات جادة لتطوير قطاع التعدين وزيادة مساهمته في الاقتصاد الوطني في إطار استراتيجية شاملة لتطوير قطاع التعدين بمختلف أنشطته بهدف تعظيم الاستفادة من ثروات مصر التعدينية وزيادة قيمتها المضافة وزيادة مساهمة الأنشطة التعدينية في الناتج المحلي الإجمالي في إطار خطة تحويل مصر إلى مركز تعديني عالمي، وكمان لجذب الاستثمارات الأجنبية.

وبتهدف رؤية تطوير قطاع التعدين إلى زيادة مساهمة صناعة التعدين في الناتج المحلي الإجمالي إلى حوالي 5% خلال ال 20 سنة الجاية.

ويُعد مشروع المثلث الذهبي أكبر مشروع تنموي هيستفيد منه جنوب مصروبتطل المنطقة على البحر الأحمر وبتوفر منفذ إلى الخليج وشرق آسيا وأفريقيا كمان هى منطقة بالغة الأهمية بترتبط بوسط وجنوب أفريقيا عبر ميناء أسوان والساحل ونهر النيل.

وأصدر الرئيس عبد الفتاح السيسي القرار الجمهوري رقم 341 لسنة 2017 بإنشاء المنطقة الاقتصادية للمثلث الذهبي. وبتنص المادة الأولى من القرار المنشور في الجريدة الرسمية على أن الأراضي الواقعة في المثلث الذهبي (القصير وسفاجا وقنا وقفط) تعتبر منطقة اقتصادية خاصة وفقاً لأحكام المناطق الاقتصادية ذات الطبيعة الخاصة دون المساس بالملكيات القائمة داخلها.

وهيجري تنفيذ المشروع على 6 مراحل، تستغرق المرحلة الأولى 5 سنين وهيستغرق إنجاز المشروع بالكامل حوالي 30 سنة

واختارت الحكومة منطقة (قنا وسفاجا والقصير) لأنها: غنية بالموارد الطبيعية وبتمثل أكثر المناطق الغنية بالموارد، لأنها بتضم ما يقرب من 72% من موارد مصر المعدنية وهي غنية بالمعادن الفلزية واللافلزية زي  الزنك والنحاس والحديد والذهب والفضة والجرانيت وخام الفوسفات والعديد من الصناعات الاستراتيجية الأخرى. كمان المنطقة غنية بشكل خاص بالمعادن الهامة المستخدمة في الصناعات ذات القيمة الاقتصادية العالية.

و الوفرة الكبيرة  في الموارد المعدنية مكنت  من بناء مصانع جديدة لإنتاج الإسمنت والزجاج والسيليكون والكيماويات ورقائق الكمبيوتر، مع وجود مشاريع تستخدم مواد خام مثل الطين والحجر الجيري لإنتاج الإسمنت، والصخر الزيتي لإنتاج البترول. وعلاوة على ذلك، تقع منطقة المثلث الذهبي في منطقة أبو طرطور التي تستحوذ على النسبة الأكبر من احتياطي الفوسفات في مصر.

وبتحتل مصر المرتبة السابعة عالميًا من حيث احتياطي الفوسفات اللي بيقدر بحوالي 1.3 مليار طن، والمرتبة التاسعة من حيث الطاقة الإنتاجية للفوسفات بحوالي 5 ملايين طن.