هيوفر 800 مليون دولار من فاتورة الاستيراد.. ضربة جديدة للأخضر

الحرب بين الجنيه والدولار دخلت مرحلة الحسم خلاص.. ليه بنقول كده وايه اللي حصل في حضور السيسي.. كله ده هنجاوب عليه في الفيديو ده خليكم معانا للأخر 
 

زي ماسمعنا كده الرئيس السيسي لما قال إن ازمة الدولار ممكن ترجع تاني لو مصنعناش وصدرنا وزودنا الانتاج والاستثمار والتصدير تحديدا هو مشكلة مصر الأزلية واللي السيسي قرر ينهيها للأبد ويحول مصر لدولة مصدرة وبأرقام كبيرة تساعد في أي مواجهة جديدة بين الجنيه والعملة الأمريكية وعشان كمان فاتورة الاستيراد عندنا بتقصم وسط الموازنة وبتاكل الموارد الدولارية.
طيب ليه السيسي مابدأتش بالصناعة والانتاج الأول بشكل موسع.. الاجابة بسيطة تصنع ازاي بشكل يخليك تصدر بمليارات في وقت الكهربا بتقطع نص اليوم وتصنع ازاي ومعندكش طرق ومواني وتكنلوجيا وفكر استثماري وتصدر ازاي وانت عندك روتين وعقدة الخواجة في الاستيراد وفي دولة قربت فاتورة استيرادها في يوم من الايام على 100 مليار دولار وقت الاسعار العالمية بتزيد وعشان كده السيسي عمل البنية الاساسية اللي الدولة هتجري بيها في الانتاج والتصنيع والزراعة وشفنا حجم المشروعات الصناعية اللي اتعملت واللي لسه هتتعمل وخطة توفير 300 مليار دولار سنويا من كل الموارد الدولارية.
وأول وأسرع طريقة نوفر بيها دولار هي ترشيد الاستيراد وتوفير البديل المحلي من المنتجات اللي بنستوردها ومصر بدات تعمل كده فعلا في السنين الأخيرة وزادت في السنة الأخيرة اللي الدولار فيها كان أكبر أزمة بتواجه البلد والناس وشفنا مصانع الكاوتشوك والتكييفات والسياارات وحاجات كتير كنا بنستوردها ودلوقتي بننتجها واالصناعة بتضرب عصفورين بحجر واحد الأول انها بتوفر المنتج للسوق المحلي وبتوفر تمن استيرادها وثانيا انها بتجيب عملة صعبة من عوايد التصدير يعني المكسب من كل ناحية.
طيب ليه بنتكلم عن التصدير وترشيد الاستيراد.. ببساطة كده عشان الحاجة المهمة اللي تم الاعلان عنها على هامش افتتاح المرحلة الأولى من المنطقة الصناعية اللوجيستية بمشروع الدلتا الجديدة وتصريح الرئيس أن المشروع الجديد احتاج 12 ألف جهاز ري محوري تكلفة الجهاز الواحد 80 ألف دولار يعني تكلفة أجهزة الري وحدها بتوصل مليار دولار تقريبًا وفجر الرئيس مفاجأة لما قال إن الأجهزة المعنية انتهت من إنشاء مصنع لإنتاج أجهزة الري هيتم افتتاحه رسميًا خلال أيام وفر ما يقرب من 60 إلى 70% من حجم احتياجاتنا من أجهزة الري التي تم استخدامها بالمشروع. وقال الرئيس إن المصنع الجديد هنفتتحه اإن شاء الله خلال أيام قليلة جدا يعني بدل ما ادفع مليار دولار أنا دفعت 200 – 250 مليون دولار لشراء أجهزة الري المحوري يعني الدولة وفرت 800 مليون دولار بقرار واحد وعشان فيه خطة وقرار ومتابعة وده كان نموذج واحد لتوفير الدولار من الاستيراد ولسه هيحصل تراجع كبير في فاتورة الاستيراد مع توطين الصناعة والتوسع في الانتاج المحلي.