السيسي يدق ناقوس الخطر.. وإيه اللي بيحصل في راس جميلة.. ومفاجأة خاصة لمصر من وكالة فيتش
متابعينا الكرام في كل مكان أهلا وسهلا بكم على منصات بانكير وتحليل جديد لأهم التقارير اللي قدمتها وحدة أبحاث بانكير على مدار اليوم الاثنين 13 مايو..
طبعا البداية النهاردة من الحدث الأهم في مصر وهو كلام الرئيس السيسي عن الدولار والسيناريوهات الصعبة اللي عدت منها مصر.
وقال التقرير إن النهاردة الرئيس السيسي وهو بيفتتح المرحلة الأولى من موسم الحصاد بمشروع مستقبل للتنمية المستدامة فى امتداد طريق الضبعة قال كلام مهم جدا عن موضوع شح العملات الأجنبية ونقص الدولار في مصر من مارس 2022 ولحد دلوقتي وقدم الرئيس حلول تخلص مصر من الأزمة دي للأبد
الرئيس قال : لو عاوزين تتجاوزوا أزمة الدولار في مصر لازم تخلوا المنتج المحلي ضخم جدا لتحقيق الاكتفاء الذاتي وتصدير الباقي إلى الخارج”.
وشرح التقرير إن الرئيس السيسي اتكلم بوضوح عن الأزمة ورد على الناس اللى بتقول ان الأزمة خلصت وقال:كان عندنا تحدى الدولار وما زال التحدي قايم .. وعشان نتجاوز مشكلة الدولار فى مصر لازم نزود الانتاج ونفتح أسواق تصدير جديدة لتوفير العملة الصعبة".
وختم التقرير إن كلام الرئيس وصراحته بتقول ان تحدي أزمة نقص العملة الجنبية لسه مستمر وان الدولة لو مخدتش اجراءات قوية وعاجلة لزيادة التصنيع ممكن ترجع الأيام الصعبة تانى ونرجع نشوف السوق السودا.
التقرير التاالي اللي قدمته بانكير كان بخصوص مفاجأة وكالة فيتش للتصنيف الائتماني.
وسلط التقرير الضوء على توقعات شركة "بي.إم.آي" للأبحاث التابعة لوكالة فيتش واللي قالت فيها ان البنك المركزي المصري هيثبت أسعار الفايدة الحالية من دلوقتى ولغاية نهاية 2024 لكن في نفس الوقت فجرت مفاجأة من العيار التقيل وقالت ان مصر هتنجح فى تخفيض الفايدة بحوالى 12 % مع نهاية 2025 .. وقالت الشركة فى تقريرها إن البنك المركزي هيحافظ على أسعار الفايدة الحالية.
الشركة قالت كمان فى تقريرها ان السساسة التقييدية للبنك المركزي المصري قادرة على تثبيت توقعات التضخم وخفضها كمان.
وحدة بانكير قدمت تقرير خاص عن الاستثمار السعودي في العاصمة الادراية.
وقال التقرير إنه في الساعات الأخيرة حصل زي هجوم سعودي على العاصمة الادارية وزارها وفد رفيع المستوى بيضم صفوة رجال الأعمال والمستثمرين السعوديين.
وكشف التقرير إن مهمة وفد رجال الأعمال السعودي واللي قضى يوم كامل في العاصمة الإدارية بحث فرص الاستثمارات الواعدة في العاصمة .
ولفت بانكير إن مفيش وفد بالحجم ده هتيجي مصر من غير تشجيع وتوجيه من القيادة السعودية وده دليل إن الاستثمارات السعودية هتكون ضخمة جدا في العاصمة الادارية وفيه كلام إن السعوديين هيعملوا منطقة صناعية ضخمة هناك بجانب المشروعات الفندقية والعقارات الفاخرة.
منصات بانكير قدمت تقرير تاني خاص بردو بالاستثمارات الخليجة لكن المرة مصر هى اللي بتروج للاستثمار في الخارج.
وقال التقرير إنه حصل تطور مهم جدا في ملف الاستثمار الخليجي في مصر وإن صندوق مصر السيادي بيعتزم القيام بجولة ترويجية في دول الخليج خلال الشهر الجاي لجذب استثمارات جديدة وعرض الفرص الاستثمارية اللى بتملكها مصر فى عديد من القطاعات المهمة وعلى راسها السياحة والعقارات ومشروعات الطاقة والاقتصاد الأخضر وغيرها من القطاعات المهمة
وحسب التقرير الجولة هتشمل لقاءات مع الصناديق السيادية فى دول الخليج والمؤسسات المالية والمستثمرين لاستعراض الفرص الاستثمارية المتاحة مع الصندوق والوضع والمؤشرات الاقتصادية الحالية والاجراءات والاصلاحات اللى اتعملت مؤخرا.
التقرير التالي اللي قدمته بانكير كان بخصوص اللي بيتقال عن صفقة رأس جميلة في جنوب سينا وإن الدولة باعتها للسعودية مقابل 10 مليار دولار ودايع والكلام الكتير اللي بيتردد اليومين دول.
وسلط التقرير الضوء على الاخبار المغلوطة المنشورة عن صفقة راس جميلة ورد التقرير إن ده كلام ملهوش أساس من الصحة ولو فيه صفقة هيتم الإعلان عنها في مؤتمر علني ومش هتم في السر زي ماحصل كده في الإعلان عن صفقة رأس الحكمة مع الإمارات وكل حاجة كانت في النور.
واضاف التقرير إنخ لكن في الوقت نفسه فيه فعلا مفاوضات على مشروع رأس جميلة لكن لسه مخلصتش بشكل نهائي ومفيش حد يقدر يقول تفاصيل وجايز جدا الودايع السعودية في مصر تدخل ضمن الصفقة ودي مش عيب لأنها في الاخر الديون واسقاطها يعني مصر بتخفف ديونها لكن مش كل دي التفاصيل لأن إعلام الاخوان اشتغل على طريقة لاتقربوا الصلاة ومقالش إن اسقاط الديون جزء من الصفقة المنتظرة.
وبخصوص تحمس السعوديية تحديدا لمشروع راس جميلة كشف تقرير بانكير السر وقال إن المنطقة مواجهة للشاطيء السعودي وأقرب نقطة للمملكة في المنطقة دي وإن تحويلها لمنتجعات سياحية هيوفر منتجع قريب جدا للسعوديين بدل ما يسافرو تركيا ولا تايلاند للسياحة وده طبعا هيوفر موارد دولارية ضخمة لمصر والسعودية لان الصفقة هتكون بالشراكة ومصر هتضمن إيرادات وعوايد زي ما حصل في صفقة رأس الحكمة.
وختم التقرير إن الكلام على رأس جميلة مخلصش والحكومة هتوصل لأفضل عروض لاستغلال المنطقة وتحويلها لمنتجعات عالمية ومركز جذب سياحي جديد جمب شرم الشيخ، وغير كده كله فبركة وأخبار تحريض معروفة جدا مصدرها مين.
