هجوم سعودي على العاصمة الإدارية.. صفقة كبرى في الطريق
فيه حاجة مهمة بتحصل في العاصمة الإدارية اليومين دول .. ياترى ايه سر الهجوم السعودي على المدينة وايه اللي حصل في الساعات الأخيرة وايه طبيعة المشروعات اللي السعوديين بيفكروا فيها.. شوفو الفيديو للآخر عشان التفاصيل
من يومين وهنا في بانكير اتكلمنا عن الصفقات الضخمة اللي هتتنفذ في مصر بعد صفقة رأس الحكمة وقلنا إن اللي جاي خير كتير واكبر من صفقة رأس الحكمة كمان واتكلمنا عن مشروع ضخم جدا في منطقة هضبة الجلالة وقلنا إنه هيكون أكبر من رأس الحكمة وإن استثماراته الأولية 45 مليار دولار وإن الامارات هي الأقرب لحسم الصفقة واللي هيام الاعلان عنها قريب جدا وقلنا كمان ساعتها إن فيه مشروعات ضخمة تانية هيتم الاعلان عنها في العاصمة الإدارية الجديدة والمعلمين الجديدة وإن الاستثمارات فيها هتكون بالمليارات.
ليه طيب بنتكلم تاني النهاردة عن الصفقات دي.. عشان في الساعات الأخيرة حصل زي هجوم سعودي على العاصمة الادارية وزارها وفد رفيع المستوى بيضم صفوة رجال الأعمال والمستثمرين السعوديين للعاصمة الإدارية الجديدة وخلي بالك الوفد ضم عشرات من رجال الأعمال السعوديين الصفوة وحط تحت كلمة الصفوة دي 100 خط لأن كل واحد فيهم كيان اقتصادي مستقبل بيستثمر في مليارات الدولارات والناس دي مش هتيجي تضيع وقتها وتاخد يومين وهي تلف في المدينة علشان تتفسح.
حسب المعلومات مهمة وفد رجال الأعمال بحث فرص الاستثمارات الواعدة في العاصمة أو بمعني اصح هما اختاروا المشروعات اللي هيعملوها في المدينة سواء خدمية أو سياحية اووعقارية أو فندقية أو صناعية وجايين يعاينوا المنطقة على أرض الواقع وخلي بالك مفيش وفد بالحجم ده هتيجي مصر من غير تشجيع وتوجيه من القيادة السعودية وده دليل إن الاستثمارات السعودية هتكون ضخمة جدا في العاصمة وفيه كلام إن السعوديين هيعملوا منطقة صناعية ضخمة هناك بجانب المشروعات الفندقية والعقارات الفاخرة.
طيب إيه فايدة الصفقات الجديدة والمليارات دي بتروح فين.. ده سؤال مهم جدا لأن ناس كتير فاكرة أن الاستثمارات دي بتكسب صحابها بس ودي مش حقيقة لأن الفايدة بتعود على الدولة كلها وعلى سوق الصرف وعلى قدرة الدولة على توفير الدولار وسداد الديون وبتنعكس على تصنيفها وعلى سوق الاستثمارات الدولية وجزء كبير من حصيلة الصفقات دي بسدخل خزينة الدولة وبتخصصه لبنود كتيرة لكن الأهم أن الصفقات دي بتموت الدولار وبتقوي الجنيه لأن طول ما فيه تدفقات في البلد كل ما العملة قيمتها زادت وده هيكون ليه تأثير مباشر على المواطنين وعلى الأسعار والبيع والشراء ولأن كمان الاستثمار بيجيب بعضه وفيه منافسة بين الشركات وبين الدول دلوقتي في قصة الأسواق الخارجية للاستثمار وعاوزين نقول لحضرتك حاجة مهمة جدا في النهاية وهي إن مفيش مستثمر هيجي يستثمر عندك حسنة أو صدقة ده بيزنس والمستثمر اللي بيصرف دولار عاوز قصاده 10 دولار مكسب ولولا انت سوق واعد وجاذب للاستثمار محدش هيجي عندك.
