هتوفر 4 مليار دولار في السنة من فاتورة الاستيراد.. خطة السيسي لتوطين صناعة العربيات في مصر

 
 
أسعار العربيات واحدة من الحاجات في مصر اللي ارقامها بقت فلكية ومحتاجة ميزانية لوحدها، ومش اي حد يقدر يشتري عربية في الوقت الحالي، بس مجلس الوزراء أعلن عن مفاجأة هتغير قراراك تماما لو بتفكر تشتري عربية وهتكون سبب اساسي في نزول اسعار العربيات في الأسواق.. يا تري اية هيا المفاجأة واية تاثيرها علي اسعار العربيات في الاسواق

خلال السنتين اللي فاتوا اسعار العربيات في مصر تضاعفت  3 او 4 مرات وحاليا اقل سعر عربية لو مستعملة مش اي حد يقدر عليه وده بيرجع لوجود جزء كبير من مكوناتها مش بتصنع داخل مصر حتي الجزء اللي بتصنع عندنا هنا في مصر محدود وغالبا بيكون من الكماليات مش الاساسات بالتالي اغلب مكونات العربيات المصانع بتشتريها وده بيكون بالدولار بالتالي اسعار العربيات ارتفعت بالارقام اللي بنشوفها في السوق ده غير الاوفر برايس.
من كام ساعة فاتوا والحكومة اعلنت عن خبر هيكون له صدي كبير في انخفاض اسعار العربيات في مصر واللي اعلنه الدكتور مصطفي مدبولي رئيس مجلس الوزراء، من الجولة اللي قام بيها علي المصانع في مدينة العاشر من رمضان وهو بدء انتاج اول خط انتاج عربيات في مصر بداية من السنة اللي جاية .
طيب اية هيا تفاصيل خط انتاج العربيات الجديد ده وتاثيره اية علي اسعار العربيات عندنا هنا في مصر؟.
الدكتور مصطفي مدبولي رئيس مجلس الوزراء اتكلم وقال في المؤتمر الصجفي اللي عقده في مدينة العاشر من رمضان الاستراتيجية الوطنية للاقتصاد المصري للفترة الرئاسية الجديدة 2024-2030 بتستهدف توطين صناعة العربيات عندنا هنا في مصر، وتحويل مصر لمركز إستراتيجي في صناعة العربيات بمنطقة الشرق الأوسط وإفريقيا، لتوفير 4 مليار دولار سنويا بيتم انفاقهم علي شراء السيارات ومستلزماتها سنويا.
رئيس مجلس الوزراء اتكم كمان وقال أن الاستراتيجية الوطنية للاقتصاد المصري في الفترة الرئاسية الجديدة بتستهدف تصنيع ما يتراوح بين 400 إلى 500 ألف عربية سنويا، وهيكون التركيز على العربيات الكهربائية، ده غير التوسع في تصنيع وسائل النقل بداية من الأوتوبيسات وعربات الجر، وكمان بتستهدف تصدير 25 % من الكمية المنتجة بما يعادل 100 و125 عربية سنويا للخارج بحلول عام 2030.
طيب اية اللي عملته مصر علشان تتحول لمركز استراتيجي لصناعة العربيات في مصر؟.
الجهود اللي عملتها الدولة لجذب الاستثمارات الاجنبية لمصر في الفترة اللي فاتت كان لها مفعول السحر وشجعت عدد كبير من المستثمرين للدخول وضخ استثمارات جديدة في مصر في كل القطاعات وطبعا اهم قطاع توطين صناعة العربيات، ووقعت مصر علي اكثر من اتفاقية مع كبري العلامات التجارية المعروفة في صناعة العربيات لزيادة معدلات التصنيع وتوفير جزء كبير منها في السوق المحلي والتصدير للخارج، وكل التوقعات بتقول ان الخطوة دي هيكون لها مفعول السحر في تخفيض أسعار العربيات في السوق المحلي.