وظائف للمصرين فى اليونان والقبض بالدولار.. جهز ورقك وهنقولك تسافر ازاي

لو نفسك تسافر اوربا وتقبض بالدولار كل اللى عليك انك تجهز ورقك وفى الفيديو ده هنقولك على 5 الاف فرصة عمل متاحة للمصريين فى واحدة من اهم واٌدم الدول الاربية.. فيا ترى فرص العمل دي متاحة فين والناس ممكن تسافر ليها ازاى وايه الشروط المطلوبة؟

من فترة طويلة وفيه محادثات ومفاوضات مهمة بين الحكومة المصرية والحكومة اليونانية حوالين استقدام عمالة مصرية الى اليونان وتوفير ما يقرب من 5 الاف فرصة عمل للراغبين فى السفر هناك

طب ليه السفر طالبة عمالة مصرية .. يعنى من قلة العمالة عندهم ؟

بص يا سيدي الاقتصاد اليوناني بينمو بمعدلات كبيرة الفترة الأخيرة ,,وبعد عقد من المتاعب الاقتصادية من المتوقع أن  الاقتصاد اليوناني ينمو بنسبة هتوصل الى 3% فى نهاية 2024  وبكده هيتخطى اقتصاد أثينا متوسط النمو في منطقة اليورو البالغ 0.8% بكتير ومع النمو اللى بيحصل بتحصل توسعات فى النشاط الزراعي هناك

وفى ظل نزوح العمالة خلال الأزمة الاقتصادية وانكماش عدد السكان وقواعد الهجرة الصارمة اليونان بتواجه مصاعب كبيرة في العثور على عشرات الآلاف من العمال لشغل وظائف في قطاعات الزراعة والسياحة والإنشاءات وغيرها.

ووفقا لعدد من التقارير الدولية هتستقبل اليونان حوالى 5 آلاف عامل موسمي في مجال الزراعة بموجب اتفاق موقع مع مصر في 2022.

ولازم نكون عارفين ان تجربة استقدام عمالة مصرية فى مجال الزراعة فى اليونان لو نجحت هتفتح باب رزق كبير للمصريين خصوصا ان المرتبات هتكون بالدولار وده هيوفر رافد جديد من روافد النقد الأجنبي لمصر.

والعامل الزراعي المصري عنده خبرة متراكمة عبر السنين تخليه من أكتر العمالة المطلوبة خارجياً وطبعا سفر 5 آلاف عامل زراعي مصري إلى الأراضي اليونانية يصب في مصلحة القوى العاملة في مصر، والاستفادة من فائض العمالة في ظل الزيادة السكانية،

ووقَّعت مصر واليونان في 2022 اتفاقية بشأن العمالة الموسمية، بما يفتح المجال أمام المصريين للعمل في اليونان بشكل قانوني، ووضع إطار تنظيمي وقانوني يسهم في تطور العلاقات المشتركة، وحل قضية «الهجرة غير المشروعة».

وأعلنت وزارة الهجرة اليونانية إن أثينا هتبدأ في استقدام عمال مصريين الصيف ده للعمل في وظائف زراعية مؤقتة بموجب اتفاق بين البلدين لمواجهة نقص العمالة.. وحاليا الحكومات فى البلدين بيبحثوا توسيع الاتفاق عشان يشمل قطاعات مهمة تانية فى اليونان زي السياحة والانشاءات ودول مجالات بتستوعب حجم عمالة كبير جدا

وفيه اجتماع مهم حصل بين وزير الهجرة اليوناني ديميتريس كاريديس ووزير العمل المصري حسن شحاتة في القاهرة الاسبوع اللى فات اتفقوا فيه على تعزيز التعاون من أجل التصدي لموجات الهجرة غير الشرعية في المنطقة.. وابدى الوزير اليونانى تقديره للحكومة المصرية  لمنعها المهاجرين من الانطلاق من سواحلها الشمالية عبر البحر المتوسط إلى أوروبا من 2016 ولحد دلوقتي

وأعلن الاتحاد الأوروبي مؤخرا عن حزمة تمويل بمليارات اليورو لمصر ورفع مستوى العلاقات معها إلى شراكة استراتيجية، في إطار مسعى لتقليص عدد المهاجرين الوافدين من شمال أفريقيا.