أكبر من «رأس الحكمة».. تفاصيل جديدة عن العظمة اللي هتحصل في الجلالة

فاكرين لما اتكلمنا عن مشروع جديد جاي بعد رأس الحكمة وقلنا هيكون ضخم وكبير.. ياترى ايه التفاصيل الجديدة حولين المشروع وهيكون فين ومين اللي هينفذه وحجم استثماراته كام.. تعالوا نشوف التفاصيل مع بعض 

لو فاكرين قبل صفقة راس الحكمة الضخمة واللي غيرت مسار الدولار وكانت بداية النهاية لأصعب ازمات مصر كان فيه كلام على المشروع ده ومشروعات تانية في منطقة الجلالة والساحل الشمالي ودا قالو مطورين عقارين ساعتها لكن محدش ركز في الكلام لما جت صفقة رأس الحكمة لكن المعلومات اللي بتداول دلوقتي بقوة ومن أكتر من مصدر بيقول إن فيه عظمة هتتعمل في منطقة جبل الجلالة غير المشروعات العملاقة اللي اتعملت هناك ولسه هتتعمل.
طيب ايه حكاية الجلالة والمشروع الضخم اللي جاي في الطريق.. شوف حضرتك لو مروحتش منطقة الجلالة وشفت ازاي الصحرا بقت حتة من سويسرا وإزاي الدولة عملت منتجعات عالمية فوق قمم الجبال وقدام البحر والمنظر الساحر يبقي فاتت كتير ولازم تعرف إن الجلالة مرشحة تكون عاصمة السياحة والترفيه الفترة الجاية وهتضيف قوة كبيرة جدا للدولة في القطاع المهم جدا ده وهتعظم موارد الدولار بشكل ضخم.
وبنفكركم بكلام المطورين العقاريين في أول السنة دي وقبل كمان مشروع رأس الحكمة ما يطللع للنور لما قالوا إن فيه صفقات منتظرة فى الجلالة والعلمين الجديدة والعاصمة الإدارية والساحل الشمالي وده معناه إن فيه مشروعات ضخمة تانية في الطريق في باقي المناطق دي لأنه تم الإعلان بس على مشروع راس الحكمة لسه بقية الصفقات عليها تفاوض وهتكون مفاجأة من العيار التقيل.

هنأجل الكلام شوية عن المشروعات المنتظرة في  العلمين الجديدة  والعاصمة الإدارية وباقي مشروعات الساحل الشمالي وهنتكلم النهاردة عن المشروع الضخم في الجلالة واللي كشفت معلومات لخبراء في الاقتصاد ومصادر موثوق فيها إنه هيكون مشروع ضخم وأكبر من صفقة راس الحكمة وإن حجم الاستثمارات الأولية هتكون ما بين 45 و50 مليار دولار وهتدخل عوايد دولارية بـ13 مليار دولار في السنة في الأول وهتوصل ل20 مليار دولار بعدين يعني بنتكلم في مليارات ضخمة ..
طيب المشرع عبارة عن ايه .. المعلومات بتقول إنه مشرع متكامل مع المشروعات الموجودة وهيكون استثماري ترفيهي خدمي ورياضي وكمان تجاري وصناعي ، وبيهدف يكون عبارة عن منتجع عالمي لجذب مليارديرات العالم للإقامة والسياحة والاستثمار.
لغاية دلوقتي الإمارات هي المرشحة الأولى للفوز بصفقة الجلالة الجديدة ودلوقتي فيه مفاوضات لوضع اللمسات الأخيررة على الصفقة قبل الإعلان الرسمي عنها وعلى فكرة الامارات قررت تستثمر صح في مصر وحطت عينها على السياحة والترفيه تحديدا لان مصر هتكون قبلة السياحة العالمية في الشهور الجاية بعد افتتاح المتحف المصري الكبير والاعلان عن الاكتشافات الجديدة في الاثار وعشان كمان إعادة اكتشاف الساحل الشمالي بعد مشروع العلمين الجديدة واللي هتغير مستقبل السياحة في المنطقة كلها وخاصة بعد مشروع راس الحكمة واللي هيتم تنفيذه بسرعة شديدة عشان يلحق الاقبال المتزايد على المقصد المصري من السياحي.
طبعا مش عاوزين نفكركم إن مشروعات زي دي ممكن تقلب حال الاقتصاد ازاي وهتأثر ازاي بشكل مباشر  في سعر الدولار  واللي كل المؤشرات بتقول إنه هيفضل في النازل.