الآيفون هيتصنع في مصر وهيتباع برخص التراب.. مفاجأة الحكومة اللى هتقلب سوق المحمول

هو فعلا هيتم تصنيع الايفون فى مصر؟ ولو ده حصل فعلا ممكن الايفون يتباع بكام وايه اللى هينزل من سعره؟ وهل فعلا شركة ابل ممكن تيجي تستثمر عندنا ؟

خلال جولته في مدينة العاشر من رمضان لتفقد عدد من المصانع الجديدة فجر الدكتور مصطفى مدبولي مفاجأة من العيار التقيل لما أكد ان الحكومة بتسعى حاليا لتواجد مصانع لشركة آبل الأمريكية فى مصر

مدبولى قال نصا أن أكبر 5 شركات لتصنيع الهواتف في العالمك هيتواجد منها 4 في مصر خلال شهور قليلة وقال كمان ان الدولة  بتسعى إلى وجود أبل أهي كمان فى الأراضي المصرية للاستفادة من الحوافز ومناخ الاستثمار اللى بتوفره الدولة مؤخرا.

وقال ان ده في إطار توجه الدولة نحو التوسع في جذب كبرى الشركات العالمية للتصنيع في مصربقيمة مضافة محلية عالية وكمان استكمال لاهتمام الحكومة بتعزيز التواصل مع المستثمرين الأجانب والمصنعين من الشركات العالمية وتقديم الدعم اللازم لتنفيذ خططهم التوسعية في السوق المصرية وبالأخص الموجهة نحو أنشطة التصدير.

وكمان فى إطار المبادرة الرئاسية "مصر تصنع الالكترونيات" اللي بتهدف إلى تعزيز صناعة الإلكترونيات فى مصر، وتحقيق الاكتفاء الذاتي في القطاع الحيوي خصوصا ان صناعة الإلكترونيات واحدة من القطاعات الاستراتيجية اللي بتساهم بشكل كبير في تحقيق التنمية الاقتصادية، وتوفير فرص العمل، وزيادة الصادرات الرقمية.

طب هل فعلا آبل ممكن تيجي مصر؟

شركة ابل واحدة من اكبر الشركات فى العالم وعشان كده مؤخرا مهتمة بتواجد مصاع ليه فى كتير من دول العالم وحاليا عندها مصانع فى

الصين واليابان وتايوان وموريا الجنوبية وفيتنام وماليزيا وسنغافورة واليابان .. وبتعتمد ابل على عدة مصانع في عدة دول لتجميع أجهزتها وطبقاً لتقرير أبل فالشركة بتملك أكتر من 200 مورد منتشرين في 20 دولة وبيعمل فيها 1.6 مليون عامل.

واحتالية انها تيجي الشرق الاوسط احتمالية زاردة خصوصا ان السوق بتاع منتجاتها بيتسع جدا فى المنطقة العربية وافريقيا ولو عملت مصنع فى مصر هيغطى انتاج المنطقة كلها وهيصدر للمناطق القريبة كمان وبالتالى ممكن جدا بعد شهور قليلة نلاقي ابل بتستثمر فى مصر

طب لو الايفون اتصنع فى مصر هل سعره هيكون رخيص؟

طبعا سعر الايفون لو اتصنع فى مصر هيكون ارخص من السعر العالمي للايفون وده لأنك هتشيل من السعر تكاليف الاستيراد والجمارك والرسوم التانية بالاضافة الى انخفاض تكلفة العملة فى مصر ومصاريف الشحن وغيرها

طب وهل فعلا فيه شركات محمول عالمية بتنتج فى مصر؟

من فترة طويلة والدولة بتتجه بقوة لجذب الاستثمارات العالمية فى صناعة الهواتف المحمولة والإلكترونيات وفيه كبير من العديد من الشركات العالمية العاملة فى مجال صناعة الإلكترونيات بالتوسع فى استثماراتها بمصر وحاليا فيه حوالى 8 مصانع لشركات عالمية زي سامسونج واوبو وفيفو ونوكيا بينتجوا فى مصر ومنتجاتهم اللى بتحمل شعار صنع فى مصر بتباع فى مصر وبيتم تصديرها للدول المجاورة