المركزي يضرب من جديد ومفاجأة في أزمة تخفيف أحمال الكهرباء.. وخبر سعيد من بنك مصر

 ايه اللي حصل في البنك المركزي المصري في الساعات الأخيرة وليه أصدر تعليمات صارمة لكل البنوك وايه حكاية الجدول الجديد لتخفيف أحمال الكهرباء وايه الحدث السعيد في بنك مصر.. كل ده هنعرفه بالتفصيل خليكم معانا 
 
في الساعات الأخيرة فيه اكتر من حدث مهم جدا خاصة في قطاع البنوك وده بعد إصدار البنك المركزي المصري،  تعليمات جديدة وصارمة للبنوك خاصة بضمان حقوق العملاء وتحسين جودة الخدمات المصرفية المقدمة ليهم  وتنظيم آليات التعامل مع الشكاوى في البنوك المصرية.

طيب ايه التعليمات دي وليه صدرت في الوقت ده.. شوف حضرتك التعليمات الجديدة الصادرة عن قطاع حماية حقوق العملاء بالبنك المركزي المصري، شملت توجيهات كتير منها توفير قنوات متعددة لتلقي الشكاوي، ما في ذلك مقار البنوك أو الوكلاء أو فروعهم، ومركز الاتصالات للبنك وكمان تخصيص كود لتقديم الشكاوى وإخطار مقدم الشكوى به، وسائل إلكترونية تانية زي الفاكس والبريد الإلكتروني والموقع الإلكتروني. والتواصل المباشر مع وحدة حماية حقوق العملاء.

مش كده وبس ده كمان المركزي ألزم البنوك بالرد على شكاوى العملاء خلال 15 يوم كحد أقصى من تاريخ استلامها بشكل يسمح لمقدمها بالاحتفاظ بالرد ومش اي رد لازم يكون رد يشرح للعميل سبب الشكوى ويقدمله الحل كمان وفيه حاجة مهمة جدا المركزي الزم بيها البنوك وهي ضرورة التثقيف المالي للعميل وحقه إنه يعرف تفاصيل كل خدمة بنكية بتتقدمله والمركزي خد القرارات دي بعد رصد خلل في منظومة الشكاوي القديمة وانزعاج العملاء.
والحدث التاني في الساعات الأخيرة كان التغييرات الجديدة في مواعيد انقطاع الكهرباء بداية من الأربعاء وده بعد إعلان الشركة القابضة لكهرباء مصر، بداية تطبيق الخطة الجديدة لتخفيف أحمال الكهرباء  اعتبارا من الأربعاء، وده بعد  الموافقة على مخاطبة وزارة التربية والتعليم بتعديل مواعيد انقطاع الكهرباء على المحافظات في فترة الامتحانات.

والجديد بقي أن الشركة القابضة لكهرباء مصر، قرؤت  عدم تنفيذ خطة تخفيف الأحمال المعتمدة حاليًا من الساعة 8 صباحا حتى 3 مساء، خلال فترة الامتحانات على مستوى الجمهورية، بداية من اليوم الأربعاء 8 مايو 2024 وحتى 20 يوليو وأعلنت أنه تم  تقديم خطة تخفيف الأحمال اليومية لتصبح من الساعة 3 عصرًا حتى الساعة 7 مساء، لتكون مدة الانقطاع 4 ساعات فقط
...
الحدث الاخير معانا خاص بقطاع البنوك وتحديدا بنك مصر واللي أثبت تميزه في العمل المصرفي طول الفترة اللي فاتت وبناء على النتائج والأرقام وقدر يقتنص 5 جوايز عالمية من مجلة ذا يوروبيان البريطانية الشهيرة عالمياً لعام 2024

وفاز البنك بـ4 جوايز في  مجال الأموال والمراسلين والمؤسسات المالية وهى؛ أفضل بنك في إدارة الخزانة في منطقة الشرق الأوسط وشمال إفريقيا، أفضل بنك في إدارة السيولة في منطقة الشرق الأوسط وشمال إفريقيا، أفضل بنك في مجال استبدال العملات الأجنبية في منطقة الشرق الأوسط وشمال إفريقيا، أفضل بنك في إدارة النقد في مصر.

أما بخصوص الجايزة الخامسة فحصل عليها بنك مصر كأفضل علامة تجارية في منطقة الشرق الأوسط وشمال إفريقيا لعام 2024 وذلك من المجلة  البريطانية.