اعمل مشروعك ومتخليش حد يعرف سرك.. أفضل قروض المهن الحرة في البنوك

 
 
بتفكر توسع مشروعك او لسه هتعمل مشروع لكن بتدور على حد يسلفك من غير مايعرف اسرارك.. هنقولك على أماكن هتديك كل التمويل من غير ما حد يعرف وكمان هتسدد مع نفسك وبالتقسيط المريح.. خليكم معانا للآخر وهنشوف التفاصيل
 

معروف إن القرض الشخصي من أهم برامج التمويلية اللي بتقدمها البنوك للعملاء وعليها طلب كبير والاجراءات المطلوبة ليها اسهل والفايدة الموجودة عليها اقل بكثير من القروض الثانية، وبتوصل قيمة القرض الي 2.5 مليون جنيه، وفترة سداد مرنة بتوصل لـ 10 سنوات .
بالنسبة للشروط اللي بتطلبها البنوك لمنح قروض المهن الحرة ...فأغلب البنوك بتتفق في شروط القروض الشخصية واهمها أن يكون عمر المقترض أن لا يقل عن 21 سنة ولا يزيد عن 60 سنة، وفي بنوك تانية بتشترط أن يكون سن العميل من 25 سنة ولا يزيد عن 65 سنة، وبحددوا سعر العمل التجاري أو المهني لا يقل عن عامين او 3 سنوات .
أما بخصوص الأوراق المطلوبة من العملاء فهي بسيطة واهمها تكون البطاقة بتاعتك سارية ومستندات الملكية أو عقد إيجار مكان العمل، وفاتورة مرافق حديثة بمحل الاقامة و مكان العمل، ونسخة من بطاقة ضريبية سارية فيها تاريخ بدء العمل وتاريخ انتهاء صلاحية البطاقة، ومستخرج حديث من السجل التجارى بحد أقصى 3 شهور من تاريخ الإصدار أو نسخة من ترخيص العمل، وعقد تأسيس الشرك وكشف حساب بنكى معتمد شخصي.

طيب لو ورقك جاهز وايه هي افضل بنوك تجيب منها قرض الاعمال الحرة ...طبعا فيه بنوك كتير بتقدم القروض دي منها البنك الاهلي المصري و اللي اعلن عن تقديم قروض بتوصل الي 3 مليون جنيه وبفترة سداد بتوصل الي 12 سنة وبسعر الفايدة متناقص من 22% إلى 24% سنويا حسب نوع وظيفة العميل بشرط ان يكون الحد الأدني للدخل الشهري للعميل لا يقل عن 1000 جنيه.

وفيه كمان  بنك مصر اللي اعلن عن تقديم قروض لاصحاب الاعمال الحرة بتوصل ايضا الي 3 مليون جنية وبفترة سداد 15 عاما كحد أقصى، وبسعر فايدة متناقص علي حسب وظيفة العميل من 22% إلى 24% سنويا بشرط ان يكون الحد الأدني للدخل الشهري للعميل لا يقل عن 1000 لموظف الحكومة و 2000 جنيه لموظف القطاع الخاص.

وفيه كمان  بنك القاهرة اللي بيقدم قروض لأصحاب الأعمال الحرة بتوصل الي 2 مليون جنيه، وبفترة السداد 15 سنة كحد اقصي، وسعر فايدة متناقص 22% سنويا بشرط  يكون الحد الادنى للدخل الشهري للعميل لا يقل عن 3 آلاف جنيه وتقدر دلوقتي تقدم وتاخد قرضك وتوسع نشاطك.