ليه التعديل الوزاري الجديد اتأخر.. السبب مفاجأة
كل مصر تقريبا بتسأل عن معاد التعديل الوزاري الجديد وعن سر التأخير لغاية دلوقتي.. هنقولك عن السر وكمان عن المفاجآت اللي في الطريق.. خليكم معانا لأخر الفيديو وهنشوف أصل الحكاية
طبعا جرى العرف على تقديم الحكومة لاستقالتها لرئيس الجمهورية في أول ولايته الرئاسية وكأن الحكومة بتعفي الرئيس من حرج استمراراها لكن مفيش نص بيلزم رئيس الحكومة إنه يقيل الوزارة في بداية ولايته لكن زي ما قلنا الموضوع بيكون على مألوف العادة ولان دا إجراء طبيعي ومنطقي عشان الناس تحس إن فيه دم جديد في الدولة ومرحلة جديدة مع الولاية الجديدة.
وبعد الرئيس السيسي ماحلف اليومين الدستورية في مجلس النواب في ابريل اللي فات توقعنا إن الدكتور مصطفى مدبولي هيقدم استقالة الحكومة للرئيس وهيكمل شغله لغاية الرئيس ما يقرر مصير الحكومة لكن ده محصلش وطلعت بعدها اجتهادات حولين اسم رئيس الوزرا الجديد والمنصب اللي هيتولاه مدبولي بعد تركه لرئاسة الوزرا لكن لغاية دلوقتي مفيش حاجة تمت ولا حس ولا خبر عن الحكومة الجديدة غير اجتهادات هنا وهناك.. طيب ياترى ايه سر التأخير..
عشان نبقي عارفين الرئيس السيسي وحده بس هو اللي عنده إجابة لكل الأسئلة دي لكن المعلومات والتوقعات بتقول إن حكومة مدبولي مكملة ودي أول الماجآت مع تعديل بعض الوزرات اللي مقدرتش تحقق المطلوب وتاني مفاجأة إن تأخير التعديل الوزراي وراه حساسية التوقيت خاصة في الملف الاقتصادي والسياسي اللي حولينا وببساطة كده حكومة الدكتور مدبولي هتتحسبلها صفقة رأس الحكمة وغيرها من الإنجازات الكبيرة في الشهرين تلاتة اللي فاتو وفيهم ملفات كتير مهمة ولازم يتبت فيها ومفيش وقت للتغير الوزراي وإلا هيحصل اضطراب في السياسة الاقتصادية وكمان فيه أسباب تانية خلت الرئيس يفكر كتير قبل ما ياخد القرار منها إن لازم المرشحين الجدد للوزارة يكونا كفاءات مختلفة وناس فاهمة كل حاجة وممكن تضيف للدولة المصرية دا غير طبعا اللي بيحصل حولينا وبيهدد امننا القومي واللي محتاج يقظة على مدار الساعة مع التطورات السريعة وعشان كده مش وقت اجراء أي تعديل وزاري.
المفاجأة بقي اللي عرفناها إن الرئيس تقريبا عنده تشكيل الحكومة الجديدة وإن الإعلان عنها قرب وفي الوقت المناسب وكمان الأسماء اللي فيها هتكون مفاجأة من العيار التقيل وشخصيات ليها تقلها في الشارع المصري وكمان عالميا وخاصة وزراء الحقائب المالية والاقتصادية، يعني الوزارة هتتعلن في معاد الرئيس بس اللي حدده وغالبا هتكون قبل عيد الأضحى المبارك وزي ماقلنا هيكون فيها مفاجآت كبيرة.
