خطة ضرب السوق السوداء للسكر والأرز بالأسواق

الارز والسكر هما اكثر سلعتين مصر عانت من نقصهم علي مدار الشهور اللي فاتت، وكان حلم ان تلاقي كيلو منهم حاجة صعبة جدا لو لقيتها هيكون سعرها عالي والمواطن مش هيقدر يشتريها.. وعلشان كده الدولة أخذت قرارات لزيادة وجودهم في السوق.. ياتري اية اللي عملته الحكومة علشان ننتهي من صداع نقص السكر والارز في الاسواق واسعارهم كام دولوقتي

الفترة اللي فاتت واللي كانت مصر بتعاني فيهم من نقص العملات الاجنبية في الاسواق واللي بسببها كانت عندنا سوق سودا كبيرة جدا في التجارة بالعملات الاجنبية خصوصا الدولار ووصل سعر الدولار لارقام تاريخية وغير مسبوقة، ومن هنا جت معاهم ازمة نقص سلع غذائية كتيرة من الاسواق، وكان اهم السكر والأرز واللي كانوا شبه مش موجودين تماما ولو صدفت ولاقيت كيلو سكر أو رز هيكون بارقام كبيرة جدا خصوصا ان كيلو السكر وصل في فترة من الفترات لأكثر من 70 جنيه.
الحلول اللي اخذتها الدولة لانهاء ازمة نقص الدولار في البنوك الوطنية واللي كانت معاهم انتهاء كابوس السوق السودا في التجارة بالعملات في مصر، وبعدها بدأت الدولة الاصلاح الاقتصادي واللي تبعها الاصلاح الإداري في الاسواق وتوفير السلع وبسعر مناسب لكل الموطنين، وحاليا اغلب السلع موجودة في الاسواق ومتوفرة وبسعر مناسب للمواطنين يقدر يشتريها في اي وقت .
طيب اية اللي عملته الدولة علشان تحل ازمة نقص السكر والارز في الاسواق؟
علشان نكون عارفين ان ازمة مصر من نقص السلع الغذائية واللي كان اهمهم السكر والارز واللي كانوا شبة مش موجودين تماما في السوق خصوصا ان السوق المصري كان مليان حيتان لاحتكار السلع الغذائية واللي خزنوا كميات كبيرة من السلع اللي وفرتها الحكومة علي مدار شهور طويلة علشان يرجعوا يبعوها باسعار اعلي من سعرها الحقيقي للمواطنين بهدف تحقيق مكاسب شخصية لكل واحد فيهم علي حساب مواطن غلبان مش لاقي كليو سكر أو كيلو رز لاولاده.

الخطوات اللي أخذتها الدولة لتوفير الدولار في البنوك قدام الموردين والتجار كان أول واهم وافضل خطوة اخذتها الحكومة لضبط الاسعار، ومن هنا كانت بداية استقرار الاسواق خصوصا ان التجار حاليا معندهمش ازمة في الدولار اللي متحاجينه علشان يستودوا السلع الاساسية اللي هيحتاجها السوق والمواطن، وفعلا الدولة نجحت في استيراد كميات كبيرة من السلع وخصوصا الأرز والسكر واللي قضوا علي حالة تعطيش السوق وحاليا السلعتين دول بالذات بقوا موجودين ومتوفرين قدام كل الناس .

طيب اسعار الارز والسكر وصلت لكام دلوقتي في الاسواق؟.
في الايام اللي فاتت الدولة استورت 500 الف طن سكر، وطرحته في الاسواق واللي بسببها سعر السكر تراجع تماما وبقي موجود ومتوفر وحاليا سعر الكيلو وصل لـ27 جنيها ومتاح في كل السلاسل التجارية والهيبرات وكل المحال التجارية، وممكن لاي مواطن يدخل ياخذ الكمية اللي هو عايزها.