قنبلة فيتش و3 ضربات جديدة على رأس الدولار ومفاجأة سارة في البنك المركزي

متابعينا الكرام في كل مكان أهلا وسهلا بيكم ولايف جديد لأهم التقارير اللي قدمتها وحدة بانكير على مدار اليوم السبت.. 
البداية مع التقرير الأهم على الساحة الاقتصادية في مصر وهو تعديل وكالة فيتش للتصنيف الائتماني لتصنيف مصر من مستقر إلى ايجابي..
وناقش بانكير الأسباب اللي خلت الوكالة الدولية تعدل تصنيفها  وقال في البداية إن التصنيف الائتماني للدولة ضروري جدا لأنه بيوضح هل الدولة قادرة على سداد الديون، اللى اقترضتها من مصادر خارجية ولا لأ .. وعند حاجة الدولة للاقتراض بيكون قدامها اختيارين الاقتراض من دولة تاني وده بيكون من خلال (ودائع، الاستثمار المباشر أو غير المباشر)، والخيار التاني الاقتراض  من خلال طرح سندات..

وحسب التقرير وكالة فيتش  قالت إنها عدلت النظرة المستقبلية لمصر من مستقرة إلى إيجابية بسبب انخفاض مخاطر التمويل الخارجي وقوة الاستثمار الأجنبي المباشر بالاضافة إلى استمرار وجدية مرونة سعر الصرف بجانب التعاون الايجابي بين مصر وصندوق النقد ساعد على تغيير النظرة لمصر من مستقرة إلى إيجابية
 

التقرير التالي اللي قدمته وحدة أبحاث بانكير كان بخصوص أخبار سعيدة هتنهي أزمة الدولار في مصر..

وشرح بانكير في بداية التقرير إنه اللى بيحصل فى مصر بقاله أكتر من سنتين كان فوق احتمال اى اقتصاد وأزمة شح العملة كانت عاملة أزمة ضخمة جدا وبسببها الأسعار فى مصر بقت نار والسلع قفزت قفزات جنونية وعشان كده كان لازم الدولة بكل أجهزتها تتحرك وتشوف حل لموضوع الدولار ده .. وده فعلا اللى حصل. 
وأضاف تقرير بانكير إنه من الأخبار السارة في السوق واللي هيكون ليها تأثير كبير على دولار بجانب تعديل تصنيف كالة فيتش هو إن الحكومة المصرية وخلال أيام هتستلم باقى المبلغ من صفقة  رأس الحكمة وهو حوالى 20 مليار دولار وده أول خبر سعيد ممكن ينهى أزمة الدولار فى مصر لأن السيولة الدولارية اللى هتتوفر منه كبيرة جدا ولما يتم ضخها فى السوق سعر الدولار هيتراجع فى البنوك ومعاه المفروض السعار فى الاسواق هتنخفض 
الخبر التالت السعيد اللي التقرير سلط عليه الضوء هو عودة تحويلات المصريين العاملين بالخارج الى البنوك والقطاع المصرفي مرة تانية بعد التعويم وكل التحويلات حاليا بتيجي عن طريق البنك بعد تطبيق سعر صرف مرن واختفاء المضاربين وتجار العملة ونهاية السوق السودا .. وده اللى شجع المغتربين انهم يرجعوا يبعتوا فلوسهم فى القنوات الشرعية

منصات بانكير قدمت تقرير مهم عن احتياطي مصر من النقدي الأجنبي وتوقعات دولية بارتفاع احتياطيات النقد الأجنبي في مصر بمقدار 16.2 مليار دولار في السنة المالية الحالية 2023/2024 إلى 49.7 مليار دولار يعني تقريبا بنتكلم عن 50 مليار دولار.
الارتفاع المرتقب والكبير في قيمة الاحتياطي بيمثل ضربة قوية لكل واحد من التجار مستني عودة السوق السودا للدولار، ومعني زيادة الاحتياكي  مزيد من الاستقرار الاقتصادي وتوافر الدولار وانتهاء أزمة المضاربة وعامل أمان للدولة والاقتصاد وفي نفس الوقت عمل ثقة كبيرة في الدولة

ولسه مكملين مع حضراتكم في لايف السبت وتقرير مهم جدا ويهم كل المصريين وهو عن رفع الدعم على رعيف العيش في بطاقات التموين .. والحقيقة بتخرج من وقت للتاني اشاعات كتير عن رفع الدعم وفي كل مرة الكلامب بيكون متفبرك.

وقال التقرير لإن رغيف الخبز واحد من الحاجات اللي الحكومة مش هقدر ترفع عنها أيدها سواء برفع الدعم أو إلغاؤه وده لسبب بسيط جدا إن مش كل الأسر المصرية هتقدر تشتري رفيق الخبر السياحي والله وصل سعره في وقت من الأوقات لأكتر من 2 جنيه، يعني لو اسرة بسيطة مكونة من 4 او 5 أشخاص عايزين أكثر من 30 أو 40 جنيه عيش يوميا علشان ياكلوا ده غير الاحتياجات والمصروفات اليومية.
طبعا كلنا عارفين أن المدعم واحد من الحاجات المهمة اللي بقدمها الدولة المواطنين من خلال بطاقات التموين، واللي أصبحت مع مرور الوقت رقم أساسي في لا يمكن الاستغناء عنه باي حال من الأحوال واي تغيير فيه أو تعديل ولو بسيط هياثر علي اغلب الناس من الشعب المصري وهيكون صعب جدا يقضوا يومهم من غيره .

التقرير الأخير معانا في لايف النهاردة حولين مستقبل سعر الدهب في مصر الفترة الجاية.. وشرح إن فيه اسباب كتيرة بيتوقف عليها سعر الدهب أهمها الصراعات الدولية والأزمات بين الدول الكبيرة زي ما حاصل كده بين روسيا والغرب واللي بيحصل حوالينا وكلنا عارفينه وكمان اسعار الدهب بيحددها العرض والطلب وسعر الدولار عالميا وكل ما كانت فيه مشاكل في العالم كل ما الدهب سعره ولع عشان الطلب عليه بيزيد من البنوك المركزية في العالم.
وبخصوص التوقعات والمؤشرات الصادرة من كبرى مؤسسات المال والاقتصاد في العالم فهي شايفة إن الدهب هيواصل الارتفاع في الشهور الجاية ولغاية أواخر 2025 بشكل كبير جدا وان للأونصة ممكن توصل 3 آلاف دولار يعني بنتكلم في الضعف تقريبا في أسعار الدهب عالمياً  وفعلا بدأ الدهب يقفز قفزات كبيرة قبل قرار الفدرالي الأمريكي بتثبيت سعر الفايدة ووصل للذروة إلى 2431.29 دولار للأونصة، قبل ما يعاود الانخفاض لسعر 2300 دولار تقريبا النهاردة