قبل ما الفرصة تروح.. ليه الدهب لسه أفضل استثمار في مصر
ليه الدهب هو لسه أفضل استثمار في مصر دلوقتي خاصة لاصحاب المدخرات والموظفين والتجار وايه اللي هيحصل في الأيام الجاية وليه افضل وقت تشتري فيه دهب دلوقتي.. شوف حضرتك الفيديو ده للآخر هتعرف ليه
الدهب معروف انه افضل استثمار للفلوس خاصة في أوقات الأزمات أو القرارات الاقتصادية الصعبة سواء في مصر أو الأوضاع الاقتصادية والسياسية في العالم وده لأنه معدن نادر وملاذ آمن مثالي لحفظ المدخرات وقيمة الأموال ضد أي تحركات لخفض قيمة العملة وده لأنه استثمار آمن وطويل الأجل نسبيا وأقل فترة للاستثمار في الدهب متقلقش عن 3 سنين عشان تكسب منه كويس ودي ميزة الدهب إن سعره بيزيد وفي نفس الوقت بيحفظ قيمة العملة من الهبوط يعني بتشتري دهب وانت مطمن على فلوسك وكمان فيه ميزة إن عامل المخاطرة فيه قليلة جدا وحجمه صغير وتقدر تشيله في أي مكان آمن وكمان ميزته إنه متاح في أي وقت معاك لو اتزنقت تقدر تبيعه وتصرف نفسك وهو كمان رأس مالك في الأيام الصعبة ..
طيب ايه مصير الدهب في الأيام الجاية وليه افضل وقت تشتري دلوقتي.. زي ما احنا عارفين اسعار الدهب بتتوقف على عوامل كتير أهمها الصراعات الدولية والأزمات بين الدول الكبيرة زي ما حاصل كده بين روسيا والغرب واللي بيحصل حوالينا وكلنا عارفينه وكمان اسعار الدهب بيحددها العرض والطلب وسعر الدولار عالميا وكل ما كانت فيه مشاكل في العالم كل ما الدهب سعره ولع عشان الطلب عليه بيزيد من البنوك المركزية في العالم.
وبخصوص التوقعات والمؤشرات الصادرة من كبرى مؤسسات المال والاقتصاد في العالم فهي شايفة إن الدهب هيواصل الارتفاع في الشهور الجاية ولغاية أواخر 2025 بشكل كبير جدا وان للأونصة ممكن توصل 3 آلاف دولار يعني بنتكلم في الضعف تقريبا في أسعار الدهب عالمياً وفعلا بدأ الدهب يقفز قفزات كبيرة قبل قرار الفدرالي الأمريكي بتثبيت سعر الفايدة ووصل للذروة إلى 2431.29 دولار للأونصة، قبل ما يعاود الانخفاض لسعر 2300 دولار تقريبا النهاردة السبت لكن التوقعات بتقول إن اكيد هيزيد وده لعدة أسباب زي ما قلنا منها توقع قسم أبحاث السلع في أميركا الشمالية في بنك سيتي العالمي وصول سعر الدهب إلى 3000 دولار للأونصة ب بداية نت دلوقتي لغاية الـ 18 شهرا المقبلة وده بناء على توقعات خفض الفدرالي الأمريكي لأسعار الفايدة على الدولار بداية من النص التاني من2024 وما بعدها وطبعا خفض سعر الدولار بيقفز بأسعار الدهب لأن العلاقة بينهم عكسية وكمان مع ارقام بتاكد إن البنوك المركزية مستمرة في الشراء، رغم أن تراجع شراء الدهب إلى 1037 طناً في 2023 مقارنةً مع 1082 طناً في 2022 وفقاً لمجلس الدهب العالمي وطالما الطلب على الدهب بيزيد عالميا يبقي سعره هيفضل في الطالع.
طيب ايه مصير الدهب في مصر.. شوف حضرتك لو الصاغة في مصر هتمشي مع أسعار الدهب عالميا بالاسعار المتوقعة اللي بنقول عليها يبقي جرام الدهب عيار 21 هيوصل 5700 جنيه مقارنة ب3080 جنيه النهاردة في السوق وعشان كده تقدر تشتري وانت مغمض دلوقتي وتشيله سنة على الأقل وهتكسب فيه الضعف ودا أفضل استثمار تقدر تحط فلوسك فيه دلوقتي.
