إيه حكاية أبراج العلمين والـ2 مليار دولار وطاقة القدر الجديدة في مصر .. شوف هذا التقرير

 
 
ايه حكاية بيع أبراج العلمين الجديدة لملياردير خليجي.. وايه هي طاقة القدر والدولارات اللي فتحت لمصر وايه هو الاستثمار اللي هيقلب موازين الاقتصاد المصري.. تعالوا نشوف التفاصيل كلها .
 
فاكرين حضراتكم لما اتكلمنا هنا في بانكير كتير جدا عن إمكانيات الاقتصاد المصري والكنوز اللي عندها ولسه مستغلتهاش وقلنا من بين الكلام أن تصدير العقار واحد من الحلول اللي ممكن يخلي مصر واحدة من أغنى دول العالم وضربنا ساعتها مثل بسيط بإمارة دبي واللي اتحولت من افقر صحرا في العالم الى اغني بلاد الدنيا وبقت مهجر وموطن للمليارديرات وكل سنة بيزوروها ملايين الأثرياء والسياح وده غير آلاف البراندات والشركات العالمية اللي بقت ليها مراكز ومكاتب ومقار في دبي وده كله ليه وقلنا ساعتها لأن دبي اشتغلت على تصدير العقار واحترقت فيه وبقت من أهم مناطق العالم اللي قدرت تجذب رؤووس الأموال.
وقلنا بردوا ساعتها إنه إذا كانت دبي قدرت تعمل كده ليه مصر ما تهتمش بملف تصدير العقار مع العلم مصر عندها ألف ميزة عن دبي وبلاد تانية تخليها تستحوذ على اهتمام العالم في استثمارات العقارات منها الموقع المتميز في أجمل شواطئ الدنيا وقرب الموقع الجغرافي لمصر في وسط العالم ومرور اهم خطوط التجارة والصناعة في العالم وده غير طقسها المتميز ورخص العمالة وانخفاض قيمة العملة والاهم من ده كله الخبرات الكبيرة عند شركات التطوير العقاري المصري واللي بقت تنفذ اكبر مشروعات في الخارج وشفنا اللي حصل في تنزانيا والكونغو وبلاد كتير نفذت فيها شركات المقاولات المصرية مشروعاتها.
وقلنا إن سوق تصدير العقارات في العالم بيتراوح حجمه ب2 ترليون دولار ولازم مصر تشتغل عليه بقوة الفترة الجاية وتستغل كل المميزات اللي قلنا عليها.. طيب ليه بنتكلم النهاردة على تصدير العقار.. شوف حضرتك لأن تصدير العقار واحد من الحيل اللي بتلجأ ليها الدول لتوطين الشركات الكبرى ورجال الأعمال الأثرياء وبالتالي تقنعهم يعملوا مشروعات كبيرة وضخمة في مصر وفي نفس تضمن جذب استثمارات سنوية ضخمة ودا بسبب نهضة دول كتير في الخليج العربي زي ما قلنا وكمان عشان مناسبة الكلام أن شركة العيار الإماراتية الشهيرة هتشتري عقارات وأبراج في العلمين الجديدة ودي الحقيقة بداية صحيحة لمفهوم تصدير العقار واللي ممكن يوصل إيراداته لأكتر من إيرادات قناة السويس والسياحة وتحويلات المصريين مجتمعين..
طيب إيه اللي خلي العبار تدخل في سباق مفاوضات عشان تشتري ابراج في العلمين الجديدة.. الإجابة بسيطة وهي إن العلمين الجديدة كانت عبارة عن جوهرة نادرة مدفونة في الرمل والحكومة بالفكر الجديدة اكتشفتها وخلتها اجمل مناطق العالم واللي عنقود قطاع السياحة والترفيه والبراندات والعقارات والفنادق في المنطقة كلها وهتكون المدينة الأهم في حوض البحر المتوسط في الفترة الجاية وعشان كده العبار وغيره بيتسابقوا للاستثمار فيها لدرجة أن عقاراتها بتتباع بالدولار وهي لسه مخلصتش تشطيب.
وبخصوص شركة العبار فهي ليها استثمارات بمليارات الدولارات في مصر وأخيرا افتتحت فندق أدرس العالمي وهو تاسع فنادقها بمصر في نوفمبر اللي فات  بالساحل الشمالي وبدأت إعمار تنفيذ تاني منتجعاتها السياحية بمصر على مساحة 518 فدان كمان الشركة الإماراتية شغالة حاليا في مشروع سكني بمدينة زايد الجديدة باستثمارات 38 مليار جنيه وعلى مساحة 500 فدان وغيرها من المشروعات وفيه مفاوضات قربت تخلص بخصوص  حصول ﺷﺮﻛﺔ إﻋﻤﺎر ﻣﺼﺮ ﻋﻠﻰ 2000 ﻓﺪان ﻓﻰ باﻟﻘﺎﻫﺮة اﻟﺠﺪﻳﺪة، ﻟﺘﻨﻔﻴﺬ أحدث أحيائها السكنية بمصر والشركة هتدفع قيمتها البالغة 4 مليار دولار مقدمًا وﺗﻨﻮى اﻟﺸﺮﻛﺔ إﻗﺎﻣﺔ ﻣﺸﺮوع ﺳﻜﻨي ﻓﺎﺧﺮ لا يقل عن مشروعاتها الحالية بالقاهرة على رأسها ميفيدا وأب تاون كايرو.
اكيد حضراتكم خدتوا بالكم من الأرقام والمليارات اللي بنتكلم عنها وخلي بالكم احنا بنتكلم عن استثمارات شركة واحدة بس وده غير بقية الشركات اللي في مصر وعشان كده بنقول ولسه هنقول أن تصدير العقار هو مستقبل مصر وتقدر تدخل مئات المليارات من الدولارات في السنة وتقدر تعمل ده وفي نفس الوقت تشغل آلاف المصانع والأيدي العاملة المرتبطة بالقطاع المهم ده والبلد تحل كل أزماتها الاقتصادية.