حذر وترقب وقلق.. إيه اللي هيحصل بعد قرار الفيدرالي الأمريكي؟

يا ترى ايه اللى هيحصل فى الاسواق بعد القرار المنتظر لبنك الاحتياط الفيدرالي الأمريكي؟ وايه السيناريوهات اللى بيتوقعها صناع السياسة النقدية فى العالم؟ وهل ممكن قريب ممكن نشوف الفيدرالي بيخقض اسعار الفايدة على العملة الأمريكية؟ والأهم ايه تأثير قرار الفيدرالي علينا فى مصر وعلى مستوى الأسعار؟

من امبارح بدأ الاحتياطي الفيدرالي الأمركي اجتماعه النقدي اللى هينتهي النهاردة واللي هيتم من خلاله حسم مصير أسعار الفايدة على الدولار وسط حذر وقلق وترقب بيسود السواق فى العالم كله انتظارا للقرار المصيري وان كانت معظم التوقعات بتقول ان الفيدرالي بنسبة كبيرة جدا هيبقى على سعر الفايدة زي ما هو  في وقت بتثير فيه القفزة الأخيرة للتضخم شكوك حوالين الجدول الزمني لخفض اسعار الفايدة فى الولايات المتحدة.

وكان الاحتياطي الفيدرالي بيستعد من شهور لبدء خفض أسعار الفائدة واللى تراوحت بين 5.25 و5.50% من يوليو اللي فات وده أعلى مستوى م مطلع الألفية التالتة .. في وقت سجّل فيه التضخم قفزة بعد ما بان وكأنه بيتراجع وده دفع صناع السياسة النقدية إلى توخي الحذر قبل خفض سعر الفايدة اللي ممكن يؤدي إلى ارتفاع جديد في الأسعار.

ووكتير من الخبراء شايفين انه يجب على الاحتياطي الفيدرالي التصرف بحذر لأنه لو بدأ بتطبيق ليونة نقدية بعد فوات الأوان هيكون بيجازف بإلحاق الضرر بالنمو الاقتصادي وسوق العمل.

ومن أسابيع قليلة كانت الأسواق بتراهن على خفض أول في يونيو لكنها حاليا بتنتظر سبتمبر أو حتى نوفمبر وفقا لتقديرات كتير من المهتمين بالسياسة النقدية

وارتفع التضخم فى الولايات المتحدة  إلى 2.7% على أساس سنوي في مارسوفقا لمؤشر نفقات الاستهلاك الشخصي اللى بيعتمده الاحتياطي الفيدرالي والى بيرغب في خفضه إلى 2%.. وفيه كمان مقياس تاني للتضخم هو مؤشر أسعار المستهلكين اللي بيتم على أساسه احتساب رواتب التقاعد في الولايات المتحدة وتسارع هو كمان الشهر اللى فات إلى 3.5% على أساس سنوي.. وده دفع رئيس الاحتياطي الفيدرالي جيروم باول إلى تغيير لهجته وقال ان خفض الفايدة ممكن يحتاج وقت أطول من المتوقع  للتأكد من تباطؤ التضخم بشكل مستدام.

طب ايه تأثير قرار الفيدرالى الأمريكي علينا هنا فى مصر؟

زي ما قولنا لحضراتكم كتير قبل كده خلاص العالم حرفيا بقا قرية صغيرة واى قرار فى اكبر دولة  فى العالم بيكون ليه تاثير كبير على باقى الدول وكلنا شوفنا لما بدأت موجة رفع اسعار الفايدة فى الولايات المتحدة الأمريكية ازاى البنوك المركزية حول العالم كله مشيت ورا الفيدرالي وطبعا قرار الفيدرالى مرتبط بسلع مهمة زي الدهب والدولار والنفط وغيرهم عشان كده لو تم خفض الفايدة أسواق كتير هتتحرك وعلى راسها الدهب اللى بينخفض فى الساعات الأخيرة بسبب تسريبات عن تثبيت اسعار الفايدة