انهيار كبير في أسعار العربيات.. نص مليون جنيه تراجع على بعض الموديلات.. ولسه في انخفاضات جديدة تاني
يا ترى ليه اسعار العربيات تراجعت فى الايام اللى فاتت ؟ وليه فيه موديلات اسعارها انخفضت بأكتر من نص مليون جنيه؟ وهل ده وقت مناسب للشراء ولا الأفضل تستنى وتستفيد من اى انخفاضات جديدة ؟ وايه علاقة اللى بيحصل فى سوق العربيات بسعر الدولار وتحرير سعر صرف الجنيه ؟
أى حد بيتعامل فى سوق العربيات سواء الجديدة او المستعملة عارف ان الاسعار حصل فيها انهيار كبير فى اخر شهر تحديدا من يوم 6 مارس بعد الاجتماع الاستثنائي للبنك المركزي اللى قرر فيه تحرير سعر صرف الجنيه مقابل العملات الجنبية وفقا لآليات السوق وده اللى قضى على السوق السودا للدولار ومبقاش فيه اكتر من سعر للعملة الأمريكية فى سوق الصرف.
وطبعا مع تراجع سعر الدولار وتوافره فى البنوك كان فيه تظاثير ايجابي كبير لده على سوق السيارات فى مصر وتحديدا السيارات الجديدة اللى انخفضت اسعار بعض موديلاتها الى أكتر من نص مليون جنيه مرة واحدة.
زطبقا لأرقام رسمية معلنة انخفضت أسعار أكتر من 15 علامة سيارات في السوق المصرية بنسب وصلت الى ما يقرب من 25% % من يوم تحرير سعر الصرف ولغاية دلوقتي .. والانخفاض ده بيحصل لأول مرة من سنتين بسبب وقف الاستيراد وانخفاض المعروض نتيجة صعوبة تدبير العملة الأجنبية اللى خلت اسعار العربيات تويد بأكتر 5 أضعاف
ومن يوم 6 مارس اللى فات بلغت قيمة التراجعات في أسعار السيارات ما بين 86 و590 ألف جنيه في أكتر من 40 موديل من موديلات السيارات معظمها مستورد من الخارج
حد مممكن يسأل ويقول وايه الموديلات اللى أسعارها نزلت ونزلت كام ؟
بص يا سيدي .. زي ما قولنا لحضرتك كده فى موديلات وانواع كتيرة اسعارها نزلت زي أسعار عربيات "ستروين" الفرنسية اللى تراجعت بنسبة تصل إلى 19.5% بما يصل إلى 500 ألف جنيه للسيارة الواحدة، كمان انخفضت أسعار "سانج يونج" الكورية 22.7% بواقع 590 ألف جنيه.. و أسعار "جيتور" الصينية هي كمان تراجعت بنسبة 7% أي بنحو 110 آلاف جنيه، وانخفضت أيضاً أسعار سيارات "جاك" بنحو 16.6% بواقع 200 لبعض موديلاتها.
وانخفضت كمان أسعار "أوبل" الألمانية بنسبة 20% وبقيمة وصلت إلى 525 ألف جنيه، وزيها "شيفروليه" كابتيفا اللى تراجعت بنسبة 15% بواقع 270 ألف جنيه، و"جيلي" الصينية بنحو 14%.
وتراجعت أسعار "أم جي" بنحو 18%، و"بيجو" 17.5%، وبعض موديلات "سوزوكي" بنحو 12%، و"فيات" 20.9% و"سيات" بنحو 18% و"تويوتا" و"كوبرا" بنسبة 10% و"فورد" بـ6.8%، و"شيري" بنسبة تصل إلى 14.6%، و"هيونداي أكسنت" RB بنحو 16.4%.
والتخفيضات دي جت في وقت شهدت فيه سوق السيارات المصرية حالة واضحة من الاستقرار والرواج نتيجة تراجع الأسعارومن المتوقع أن التخفيضات دي تساهم في تحفيز الطلب على السيارات الجديدة وزيادة نشاط السوق لأن ثبات سعر الدولار بيقلل من تقلبات السوق وبيمنح الشركات والمستثمرين ثقة أكبر في الاستثمار وتخطيط التكاليف وبيشجع التجار والمصنعين على تخفيض الأسعار لجذب المزيد من العملاء
وفيه مؤشرات كتير بتقول أن الأسعار ممكن تشهد مزيد من التراجع. ومن أبرزها استقرار الدولار وبدء فتح الاعتمادات المستندية لاستيراد مكونات الإنتاج اللازمة لمصانع التجميع المحلي ومن المتوقع حدوث انتعاشة كبيرة بقطاع السيارات في مصر خلال الربع التالت من 2024
